Сяргея Ціханоўскага на вечаровым стрыме спыталі, як ён адносіцца да загінулага ў турме лідара расійскай апазіцыі Аляксея Навальнага і да яго дзейнасці.
Аляксей Навальны. Фота: Sefa Karacan / Anadolu Agency via Getty Images
Ціханоўскі распавёў, што меў мімалётнае знаёмства з Навальным.
— Выпадкова сустрэліся на вуліцы. Літаральна 15 секунд — перакінуліся словам і разышліся. Ён тады мяне спалохаўся — такі вялікі барадаты дзядзька. Я тады яшчэ ў яго папрасіў нумар тэлефона, але ён пабаяўся яго пакінуць, — узгадаў Ціханоўскі.
Ён сказаў, што лічыць Навальнага «сумленным, прыстойным чалавекам, героем».
— І яго імем будуць называць вуліцы, у тым ліку і ў Беларусі. Сто адсоткаў. Я гэта бачу. Гэта толькі пытанне часу, — мяркуе Ціханоўскі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары