13 з іх выслалі прымусова, яшчэ 10 з'ехалі самі. Інфармацыю ад штаба ў справах мяжы ў Міністэрстве ўнутраных спраў і адміністрацыі Польшчы заўважыў Reform.
23 чалавекі з ліку затрыманых на канцэрце Макса Каржа пакінулі тэрыторыю Польшчы. 13 з іх польскія службы выслалі прымусова.
Даныя 30 замежнікаў у Польшчы ўключылі ў спіс непажаданых асоб – ім забароняць уезд у Шэнгенскую зону.
53 чалавекі з затрыманых ужо прайшлі неабходныя працэдуры, а рашэнні па 10 персонах пакуль не прынятыя. Камендант памежнай аховы генерал Роберт Баган сказаў, што гэта «толькі пытанне часу, калі будуць прынятыя меры па ўключэнні іх у спіс непажаданых асоб на тэрыторыі Рэспублікі Польшча або іх перадачы ў краіны паходжання».
У сярэдзіне жніўня прэм'ер-міністр Польшчы Дональд Туск паведаміў, што была прынятая пастанова аб высылцы ў дачыненні да 63 чалавек: 6 грамадзян Беларусі і 57 грамадзян Украіны.
9 жніўня перад пачаткам канцэрту Макса Каржа на Нацыянальным стадыёне ў Варшаве частка гледачоў пачала саскокваць з сядзячых месцаў на танцпол. Іх спрабавалі спыніць работнікі аховы. Пазней была прыцягнутая паліцыя, каб не дапусціць наступных інцыдэнтаў.
Па выніках канцэрту Варшаўская паліцыя паведаміла, што былі затрыманыя 109 чалавек. 50 чалавек аштрафавана на агульную суму ў 11 450 злотых. Да гэтага на вечарыне прыхільнікаў Каржа ў раёне Воля, якая прайшла перад канцэртам, былі затрыманыя 9 чалавек. 25 чалавек аштрафавалі.
У Польшчы пачалі дэпартаваць затрыманых на канцэрце Макса Каржа
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве
Шасцярых беларусаў і 57 украінцаў высылаюць з Польшчы пасля інцыдэнтаў на канцэрце Макса Каржа
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары