«Крылы» на Свіслачы і 28 елак. Як упрыгожаць Мінск да Новага года і калі ўключаць святочную ілюмінацыю
Дзе, калі і якія навінкі плануюць запусціць да канца 2025‑га і што прыкметнага ўжо зроблена? На гэтыя і іншыя пытанні Мінск-навінам адказаў першы намеснік дырэктара — галоўны інжынер УП «Мінгарсвятло» Яўген Стасяловіч.
— Рамантуем светлавыя матывы, гірлянды, іншыя канструкцыі і ўстаноўкі сетак святочнага ілюмінацыйнага асвятлення, — кажа Стасяловіч. — Распрацоўваем, вырабляем і ставім новыя светлавыя фігуры.
Некаторыя лакацыі ўжо атрымалі святочнае афармленне. Напрыклад, пастаўленыя светлавыя аб’ёмныя канструкцыі «Перамога» на праспекце Незалежнасці, а таксама на скрыжаванні МКАД і прасп. Партызанскага. Мадэрнізавалі светлавую канструкцыю «Трактар» на вул. Даўгабродскай і светлавыя матывы на прасп. Незалежнасці (ад вул. Філімонава да Каліноўскага).
Праведзена пераўладкаванне светлавой канструкцыі «Зорка-Салют» на скрыжаванні прасп. Машэрава і Пераможцаў. Упрыгожаны светлавымі расцяжкамі апоры на прасп. Пераможцаў (каля Палаца спорту) і іншыя аб’екты, дрэвы на плошчы Свабоды.
Будзе завершана ўзвядзенне сетак ілюмінацыйнага асвятлення на прасп. Пушкіна (у межах вул. Адоеўскага і Матусевіча), на прасп. Ракасоўскага (ад вул. Пляханава да Малінава), на вул. Каліновскага (ад прасп. Незалежнасці да вул. Кедышкі), на вул. Нестэравай (ад Ангарскай да Ілімскай).
Вядзецца работа па вырабе новай светлавой кампазіцыі «Кубак» для размяшчэння на пляцоўцы паблізу Нацыянальнага футбольнага стадыёна. У стадыі праектавання — сетка ілюмінацыйнага асвятлення на вул. Арлоўскай у межах вул. Ціміразева — моста праз раку Свіслач, на вул. Мірашнічэнкі ў межах вул. Гамарніка — МКАД, на Партызанскім праспекце ў межах вул. Ванеева — Кашавога і плошчы Стары аэрапорт.
УП «Мінгарсвятло» сумесна з прадпрыемствам «Мінскрэклама» пачалі ставіць 28 навагодніх елак.
У пералік дадатковых мерапрыемстваў уваходзяць яшчэ некалькі аб’ектаў. Гэта ўладкаванне светлавых матываў «Крылы» на набярэжнай Свіслачы ў межах Траецкага прадмесця і сквера побач з гасцініцай «Беларусь», светлавых матываў і расцяжак каля фантана «Мінчанка» (прасп. Незалежнасці, 145), светлавыя канструкцыі «Кветкі» на набярэжнай Свіслачы паблізу вул. Ратамскай, «Камета» на прасп. Ракасоўскага каля гарадскога Цэнтра тэхнічнай творчасці дзяцей і моладзі, «Кубак» на Партызанскім праспекце каля Нацыянальнага футбольнага стадыёна.
Акрамя таго, піксельная кіраваная гірлянда ўпрыгожыць навагоднюю ёлку ў парку імя Уга Чавеса.
Святочную ілюмінацыю ўключаць у сталіцы ў першай дэкадзе снежня.
Цяпер чытаюць
Лукашэнка параіў узбекам шукаць вялікія грошы ў Расіі4
Лукашэнка параіў узбекам шукаць вялікія грошы ў Расіі
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары