Расіяне расстралялі ў Пакроўску семярых мясцовых жыхароў, якія не эвакуяваліся і хаваліся ў падвале
У Пакроўску двое расійскіх вайскоўцаў расстралялі сем чалавек, сярод якіх цэлая сям'я. Прычынай расправы стала тое, што салдаты патрабавалі алкаголь, а яго не было.
Паводле звестак, якія сталі вядомыя ўкраінскаму праекту «Хачу жыць» з крыніц у расійскім войску, трагедыя адбылася ў ноч на 21 снежня ў доме № 84 на вуліцы Цэнтральнай.
Два байцы 30‑й мотастралковай брыгады — Рынат Галімзянаў (ураджэнец Башкартастана, 1996 г. н.) і раней судзімы Аляксей Агафонаў (з Бураціі,1987 г. н.) — уварваліся ў падвал, дзе людзі хаваліся ад вайны.
Да салдат выйшлі Аляксандр Завадскі і яго сын Яраслаў. Калі на патрабаванне даць спіртное мужчыны адказалі, што алкаголю няма, расіяне адкрылі агонь і забілі бацьку і сына на месцы.
Пасля гэтага забойцы спусціліся ўглыб падвала і расстралялі там усю сям'ю: бацьку Дзмітрыя Гулько, маці Аксану Гулько, іх сына Дзмітрыя Гулько і маці Аксаны — Надзею. Таксама быў забіты мужчына па імені Аляксандр.
Яшчэ адзін чалавек, Пётр Мяронцаў, атрымаў раненне, але прыкінуўся мёртвым і пазней змог уцячы.
Каб схаваць сляды злачынства, салдаты падпалілі дом і далажылі свайму камандзіру з пазыўным «Вуду», што нібыта знішчылі «ўкраінскую ДРГ».
Забойцаў затрымалі 23 снежня дзякуючы сведчанням Мяронцава.
Раней паведамлялася пра яшчэ адно зверства байцоў гэтай жа брыгады: 22 снежня яны згвалтавалі мясцовую жыхарку Вікторыю Швайко, а яе мужа закатавалі і забілі. Сужэнцы чакалі «вызвалення» ад Украіны.
Прапагандысты запэўніваюць, што 196 палітвязняў ужо на свабодзе9
Каментары
Бачыл " рэкламныя" сюжэты аб 2000гр( меней 50$)сыходзячым з цягніка.
А пасля ....
Ні праграмы ні служб Нічога..
Нешта працягвают рабіць застаўшыяся валанцёры
Людзі кінуты .. навешаны ярлык сепары ждуны і ..так ім
Наконт гэтай сямьі??? Старыя бацькі ні зусім разумныя дзеці..
І што? А дзе абраны" эўрапейскі кірунак" каштоўнасці ...
Таму маралізатараў з поўдня .