Зяленскі пра мірныя перамовы: Украіна не можа проста адмовіцца ад сваіх тэрыторый
«Мы не можам проста выйсці з нашых тэрыторый. Гэта па-за межамі нашага закона».
Прэзідэнт Уладзімір Зяленскі заявіў, што Украіна не можа проста адмовіцца ад сваіх тэрыторый у межах мірнага ўрэгулявання вайны з Расіяй, бо гэта супярэчыць украінскаму заканадаўству, пазіцыі грамадства і рэальнай сітуацыі на месцах. Пра гэта ён заявіў інтэрв’ю Fox News, піша «Суспільне».
«Мы не можам проста выйсці з нашых тэрыторый. Гэта па-за межамі нашага закона. Гэта не толькі пра закон — там жывуць людзі, там знаходзіцца наша армія».
Зяленскі адзначыў, што на гэтых тэрыторыях пражываюць каля 300 тысяч чалавек, многія з якіх пацярпелі ад баявых дзеянняў. Паводле яго слоў, сотні людзей былі параненыя, дзясяткі — загінулі, таму пытанне тэрыторый не можа разглядацца фармальна або выключна палітычна.
Ён таксама пацвердзіў, што 20‑пунктны мірны план узгоднены прыкладна на 90%. Нявырашанымі застаюцца толькі два пункты, з якіх ключавым з’яўляецца менавіта тэрытарыяльнае пытанне.
«Калі я сказаў пра 90%, гэта праўда. Ёсць толькі адно галоўнае пытанне, у якім у нас розныя погляды, — гэта тэрыторыі. І гэтыя разыходжанні не з амерыканцамі, а з расіянамі».
Ён дадаў, што Злучаныя Штаты разумеюць пазіцыі бакоў і спрабуюць знайсці кампрамісныя рашэнні. Паводле слоў прэзідэнта, Украіна на працягу апошняга месяца дэманстравала крокі, накіраваныя на прасоўванне мірнага працэсу.
Каментуючы магчымасць рэферэндуму наконт тэрыторый, Зяленскі заявіў, што такі крок не дасць станоўчага выніку і не будзе падтрыманы ўкраінскім грамадствам.
«Усе хочуць міру, але не любой цаной. Рэферэндум наконт адмовы ад тэрыторый не будзе пазітыўным для Украіны».
Зяленскі таксама адзначыў, што ў выпадку ўхвалення мірнага плана гэта стала б вялікім палітычным поспехам для прэзідэнта ЗША Дональда Трампа, бо перагаворны працэс адбываецца пад ягоным лідарствам.
Таксама Зяленскі адрэагаваў на перададзеныя Трампам словы кіраўніка Расіі Уладзіміра Пуціна, што той нібыта «хоча бачыць Украіну паспяховай». На думку Зяленскага, такім чынам Пуцін спрабуе пазбегнуць амерыканскіх санкцый.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары
Трамп, под маркой и маскировкой "отрыва России от Китая", - выполняет приказы и желания путина, - постоянно заходит, с разных строн, на капитуляцию Украины на условиях путина !
Интересно, что имеет на лапидара путин ?