Zialenski pra mirnyja pieramovy: Ukraina nie moža prosta admovicca ad svaich terytoryj
«My nie možam prosta vyjści z našych terytoryj. Heta pa-za miežami našaha zakona».
Prezident Uładzimir Zialenski zajaviŭ, što Ukraina nie moža prosta admovicca ad svaich terytoryj u miežach mirnaha ŭrehulavańnia vajny z Rasijaj, bo heta supiarečyć ukrainskamu zakanadaŭstvu, pazicyi hramadstva i realnaj situacyi na miescach. Pra heta jon zajaviŭ intervju Fox News, piša «Suśpilnie».
«My nie možam prosta vyjści z našych terytoryj. Heta pa-za miežami našaha zakona. Heta nie tolki pra zakon — tam žyvuć ludzi, tam znachodzicca naša armija».
Zialenski adznačyŭ, što na hetych terytoryjach pražyvajuć kala 300 tysiač čałaviek, mnohija ź jakich paciarpieli ad bajavych dziejańniaŭ. Pavodle jaho słoŭ, sotni ludziej byli paranienyja, dziasiatki — zahinuli, tamu pytańnie terytoryj nie moža razhladacca farmalna abo vyklučna palityčna.
Jon taksama paćvierdziŭ, što 20‑punktny mirny płan uzhodnieny prykładna na 90%. Niavyrašanymi zastajucca tolki dva punkty, ź jakich klučavym źjaŭlajecca mienavita terytaryjalnaje pytańnie.
«Kali ja skazaŭ pra 90%, heta praŭda. Jość tolki adno hałoŭnaje pytańnie, u jakim u nas roznyja pohlady, — heta terytoryi. I hetyja razychodžańni nie z amierykancami, a z rasijanami».
Jon dadaŭ, što Złučanyja Štaty razumiejuć pazicyi bakoŭ i sprabujuć znajści kampramisnyja rašeńni. Pavodle słoŭ prezidenta, Ukraina na praciahu apošniaha miesiaca demanstravała kroki, nakiravanyja na prasoŭvańnie mirnaha pracesu.
Kamientujučy mahčymaść refierendumu nakont terytoryj, Zialenski zajaviŭ, što taki krok nie daść stanoŭčaha vyniku i nie budzie padtrymany ŭkrainskim hramadstvam.
«Usie chočuć miru, ale nie luboj canoj. Refierendum nakont admovy ad terytoryj nie budzie pazityŭnym dla Ukrainy».
Zialenski taksama adznačyŭ, što ŭ vypadku ŭchvaleńnia mirnaha płana heta stała b vialikim palityčnym pośpiecham dla prezidenta ZŠA Donalda Trampa, bo pierahavorny praces adbyvajecca pad jahonym lidarstvam.
Taksama Zialenski adreahavaŭ na pieradadzienyja Trampam słovy kiraŭnika Rasii Uładzimira Pucina, što toj nibyta «choča bačyć Ukrainu paśpiachovaj». Na dumku Zialenskaha, takim čynam Pucin sprabuje paźbiehnuć amierykanskich sankcyj.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Tramp, pod markoj i maskirovkoj "otryva Rośsii ot Kitaja", - vypołniajet prikazy i žiełanija putina, - postojanno zachodit, s raznych stron, na kapitulaciju Ukrainy na usłovijach putina !
Intieriesno, čto imiejet na łapidara putin ?