U Smalavičach apošnija dni ŭsio čaściej adčuvajecca rezki niepryjemny pach, jaki zaŭvažajuć žychary ŭ roznych častkach horada i ŭ rozny čas sutak. Śpioka tolki ŭzmacniaje dyskamfort, pišuć smolevichi24.
Jak patłumačyli ŭ adździele sielskaj haspadarki i charčavańnia Smalavickaha rajvykankama, pryčyna źviazana z płanavymi sielskahaspadarčymi rabotami. Idzie ŭniasieńnie arhaničnych uhnajeńniaŭ dla adnaŭleńnia ŭradlivaści hleby. Mienavita hety praces i stanovicca krynicaj charakternaha pachu.
— Smalavicki rajon — heta rehijon z dynamična raźvitaj sielskaj haspadarkaj. My zajmajem u Minskaj vobłaści pieradavyja pazicyi pa narychtoŭcy travianistych karmoŭ i, adpaviedna, vytvorčaści i realizacyi małaka, — kamientuje pieršy namieśnik staršyni Smalavickaha rajvykankama Dźmitryj Bahdanovič. — Dasiahnieńnie vysokich pakazčykaŭ patrabuje strohaha zachavańnia ahratechničnych i zaatechničnych rehłamientaŭ. Adnym z takich elemientaŭ źjaŭlajecca ŭniasieńnie arhaničnych uhnajeńniaŭ na pali, jakija atačajuć naš horad, dla pavyšeńnia ŭradlivaści hleb i atrymańnia bolš vysokaj uradžajnaści zbožžavych, rapsu, kukuruzy, traŭ i inšych kultur.
Taksama varta ŭličvać i pahodnyja ŭmovy: u haračaje i biaźvietranaje nadvorje pachi raspaŭsiudžvajucca macniej i daŭžej zastajucca ŭ pavietry.
— Prosim z razumieńniem pastavicca da takoj situacyi, bo heta — asnova atrymańnia vysokich uradžajaŭ 2026—2027 hadoŭ, što ŭ pierśpiektyvie niepasredna ŭpłyvaje na ekanamičnaje raźvićcio i charčovuju biaśpieku Smalavickaha rajona, — reziumavaŭ Dźmitryj Bahdanovič.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary