«Мы лічым гэта сваёй памылкай». Кінатэатр Mooon пракаментаваў начны інцыдэнт на сеансе
Для гледачоў, якія прыйшлі 17 студзеня на беларускую прэм’еру фільма «Пакаёўка» ў кінатэатр Mooon, што ў «Дана Мол», уражанні былі сапсаваныя бойкай у зале. Падчас сеанса некалькі сябровак і парачка сталі біцца, лаяцца і аблівацца спрайтам. Чаму сітуацыя не была ўрэгуляваная адміністрацыяй, пыталіся гледачы.
«Тое, што адбылося — недапушчальна. Мы цалкам падзяляем абурэнне гасцей, чый вечар быў сапсаваны», — пракаментавала кінапрастора Mooon, перадае «Мінск. Главное».
Паводле заявы, для ўрэгулявання канфлікту быў выкліканы нарад аховы. Нягледзячы на парушэнне парадку, бакі не сталі пісаць заявы адзін на аднаго.
«Мы не можам выхаваць дарослых людзей. Мы лічым сваёй памылкай тое, што парушальнікі парадку змаглі вярнуцца ў залу пасля канфлікту — гэтага не павінна было адбыцца», — дадалі ў адміністрацыі.
Начны кінапаказ фільма «Пакаёўка» ў Mooon 17 студзеня скончыўся крыкамі і бойкамі.
Каментары