Расійскія вайскоўцы пахваліліся ўдарам трохтоннай бомбай па жылым доме, дзе заставаліся людзі
Расійскія прапагандысцкія рэсурсы апублікавалі відэа ўдару магутнай авіябомбай ФАБ-3000 па пасёлку Каўшараўка на Харкаўшчыне. Заяўлялася, што цэллю быў «апорны пункт», аднак мясцовыя жыхары пазналі на кадрах звычайны жылы пяціпавярховік.
Удар трохтоннай авіябомбай ФАБ па «апорным пункце баевікоў» у пасёлку Каўшараўка апублікаваў тэлеграм-канал «Оперативный простор», заўважыла ASTRA.
«Выбуховае прывітанне ад ПКС РФ», — падпісана відэа.
У групе Купянскага раёна мясцовыя жыхары апазналі атакаваны дом — №67, а таксама напісалі, што ў падвале хаваліся людзі. Паводле іх слоў, ад двух пад’ездаў дома нічога не засталося.
Адна з жыхарак дома №67 паведаміла ASTRA, што ў момант атакі там заставалася 4 чалавекі. Двое з іх — пара пенсіянераў Вольга і Дзмітрый Бабровы. Паводле яе слоў, ім за 60 гадоў, яны не сталі выязджаць з абложанага горада. «Сказалі, будзем дома да апошняга. Дом на палях, можа быць, яны жывыя», — расказала суседка.
Прапагандысты запэўніваюць, што 196 палітвязняў ужо на свабодзе9
Каментары
А вот украинцы—братский славянский народ.
Толькі менавіта руская культура яна менавіта такая і менавіта так і працуе.
І ніхто не абвергне, што нават самы зялёны пілот-стажор ВКС Расіі мае вышэйшую адукацыю і найлепшае здароўе. Нізто не дакажа, што ў палёце блытае педалі і не разумее дзе і што ён робіць, што толькі аднаму дурню так захацелася.
Тут не спіхнеш на дзікуноў кадыраўцаў ці на крымінальнікаў вычварэнцаў, што ўцякаюць з турмаў ў рускія "мясныя штурмы".