Што з ёй плануюць зрабіць?
У Італіі прадалі вілу Мусаліні за 1,2 мільёна еўра.
Віла, пабудаваная ў 1890 годзе на набярэжнай горада Рычоне ў правінцыі Рыміні — гэта будынак у тыповым стылі курортных дамоў на італьянскім узбярэжжы Адрыятыкі. У 1934 годзе яна стала летняй рэзідэнцыяй Беніта Мусаліні. Цяпер яе выкупіў горад, піша Bild.
Муніцыпалітэт Рычоне выплаціў за вілу 1,2 мільёна еўра. «Гэты аб’ект, сімвал ідэнтычнасці курортнага горада і важная частка памяці пра XX стагоддзе, цяпер канчаткова пяройдзе ва ўласнасць грамадзян Рычоне», — гаворыцца ў заяве муніцыпалітэта.
Мэр Даніэла Анджэліні назвала куплю «рашэннем з дальнабачнай перспектывай». Верагодна, яна хацела б таксама прадухіліць куплю вілы людзьмі, якія настальгуюць па Мусаліні. У Італіі дагэтуль існуе мноства прыхільнікаў дыктатара, у тым ліку ў кіруючай партыі «Браты Італіі» прэм’ер-міністра Джорджы Мелоні. «Рычоне не выцясняе сваё складанае мінулае, а крытычна асэнсоўвае яго праз культуру», — падкрэслівае Анджэліні.
У апошнія гады віла ўжо выкарыстоўвалася муніцыпалітэтам як культурны і выставачны цэнтр. Паводле слоў кіраўніка дэпартамента культуры Сандры Вілы, там раней праводзіліся фотавыставы. У далейшым там плануецца размясціць гістарычныя архівы. Назву «Віла Мусаліні», якая ўжо замацавалася за гэтым домам, муніцыпалітэт мае намер захаваць.
Лідар італьянскіх фашыстаў Беніта Мусаліні прыйшоў да ўлады ў Італіі ў 1922 годзе. У выніку яго каланіяльных войнаў, якія ён вёў у саюзе з Адольфам Гітлерам, загінулі сотні тысяч людзей. Пры спробе ўцёкаў у Швейцарыю ў 1945 годзе Мусаліні быў расстраляны партызанамі каля возера Кома. Яго магіла ў паўночнаітальянскім горадзе Прэдапіа — месца сустрэч неафашыстаў.
Прапагандысты запэўніваюць, што 196 палітвязняў ужо на свабодзе9
Каментары