Ініцыятыва «Экадом» падрыхтавала чэк-ліст — як правяраць здароўе з улікам магчымых доўгатэрміновых наступстваў Чарнобыльскай трагедыі.
Што ўваходзіць у стандартную штогадовую праверку?
Кансультацыя тэрапеўта/доктара агульнай практыкі:
- агульны агляд;
- вымярэнне артэрыяльнага ціску;
- вымярэнне росту і вагі, разлік ІМТ (індэксу масы цела);
- збор анамнезу (абмеркаванне агульнага самаадчування, наяўнасць скаргаў, спадчынных захворванняў).
Лабараторныя аналізы крыві:
- Агульны аналіз крыві (ААК): дапамагае ацаніць агульны стан арганізма, выявіць запаленні, анемію.
- Біяхімічны аналіз крыві (базавы): глюкоза (цукар у крыві), агульны бялок, білірубін, АЛТ, АСТ (паказчыкі працы печані), крэацінін, мачавіна (паказчыкі працы нырак).
- Ліпідаграма: агульны халестэрын, ЛПВП, ЛПНП, трыгліцырыды (для ацэнкі рызыкі сардэчна-сасудзістых захворванняў).
- Узровень гомацыстэіну ў крыві: гэты паказчык з’яўляецца маркерам рызыкі сардэчна-сасудзістых захворванняў і, згодна з аналітыкай, можа быць павышаны ў моладзі з закранутых раёнаў.
Функцыя шчытападобнай залозы:
- Тырэатропны гармон (ТТГ): асноўны паказчык працы шчытападобнай залозы.
- Дадаткова (па прызначэнні доктара): свабодны Т3, свабодны Т4, антыцелы да тырэаперыксідазы (АТ да ТПА) — калі ТТГ адхілены ад нормы або ёсць падазрэнні на аўтаімунныя працэсы.
Інструментальныя даследаванні:
- ЭКГ (электракардыяграфія): дапамагае выявіць змены ў працы сэрца, такія як парушэнні рытму, змены ў міякардзе.
- УГД шчытападобнай залозы: дазваляе ацаніць структуру і памер шчытападобнай залозы, выявіць вузлы або іншыя змены.
Па паказаннях доктара могуць быць і іншыя праверкі — напрыклад, кансультацыя кардыёлага, эндакрынолага.
Важна памятаць, што лад жыцця мае значэння. Здаровае харчаванне, рэгулярная фізічная актыўнасць, дастатковы сон, адмова ад шкодных звычак значна паляпшаюць тваё здароўе і ўстойлівасць арганізма.
-
27‑гадовая беларуска без дзяцей ідзе на стэрылізацыю — і вось чаму ёй можна
-
У Мінску медыкі зрабілі ўнікальную аперацыю: пацыенту перасадзілі яго ўласную костку разам з сасудамі
-
«У нас мізэрная колькасць тых, хто бярэ свабодныя дыпломы». Чыноўніца Мінздароўя пракаментавала адмену платнага навучання ў медыцынскіх ВНУ
Каментары