У адной з вёсак пад Мінскам з'явіўся музей дарожных знакаў. Іх тут некалькі, ёсць нават «пешаходны пераход»
У тыктоку з’явілася цікавае відэа з вёскі Беражок Вілейскага раёна — месца, якое нагадвае «музей дарожных знакаў» пад адкрытым небам, піша Kraj.by.
Аўтар відэа, аб’язджаючы вузкія вясковыя вуліцы, здзіўляецца і пералічвае:
— Колькі тут знакаў! Абмежаванне хуткасці, забарона ўезду, «цэгла», рух забаронены, галоўная дарога, звужэнне. Паркавацца і спыняцца нельга — эвакуацыя! І «вішанька на торце» — пешаходны пераход. Вось такія справы!
У каментарыях карыстальнікі жартуюць: «Можа, кіношнікі забыліся прыбраць пасля здымак — там шмат сцэн здымалі». «Не хапае камеры відэафіксацыі!»
Таксама адзначаюць, што не хапае толькі інфармацыі пра забарону выкіду смецця і знака «перашкода».
Журналістка Kraj.by адправілася ў Беражок, каб паглядзець на гэтую вёску, але знакаў там ужо не застала.
Засталася толькі інфармацыя пра забарону выкіду смецця і знак «перашкода».
Сама вёска невялікая, там жыве некалькі дзясяткаў жыхароў, улетку прыязджаюць агароднікі. Таксама ёсць зона адпачынку.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары