Размарозку іранскіх актываў галоўны перамоўшчык Ірана Махамед Багер Галібаф называў адным з двух патрабаванняў Тэгерана для пачатку перамоваў.
ЗША пагадзіліся размарозіць актывы Ірана, якія захоўваюцца ў Катары і іншых замежных банках, паведаміла Reuters са спасылкай на высокапастаўленую іранскую крыніцу.
Паводле яго слоў, гэты крок дэманструе «сур’ёзнасць» намераў ЗША на перамовах у Ісламабадзе і «наўпрост звязаны з гарантыяй бяспечнага праходу праз Армузскі праліў».
Злучаныя Штаты не зрабілі ніякіх публічных заяў наконт размарозкі актываў, адзначае агенцтва. Увечары 10 красавіка КВІР пацвердзіў, што ЗША дазволілі разблакаваць 6 млрд долараў замарожаных актываў Ірана. «Прадстаўнікі Катара і Паўднёвай Карэі працуюць над пераводам грошай у Іран на працягу некалькіх дзён», — паведамілі ў КВІР у тэлеграме.
Размарозку іранскіх актываў галоўны перамоўшчык Ірана Махамед Галібаф называў адным з двух патрабаванняў Тэгерана для пачатку перамоваў. Другое патрабаванне датычылася спынення агню ў Ліване — саюзніку Ірана. Пасольства Ірана ў Паўднёвай Афрыцы ў ноч на 11 красавіка паведаміла, што Вашынгтон пагадзіўся з папярэднімі ўмовамі.
Дзядок расказаў, як паводзіў бы сябе ў сённяшняй Беларусі і што будзе далей5
Каментары