Для Вэнса перамовы ў Ісламабадзе могуць стаць ключавым момантам у кар'еры
Паспяховая здзелка можа рэзка ўзмацніць рэпутацыю Вэнса як самастойнага гульца на сусветнай арэне і ўмацаваць яго пазіцыі перад магчымай прэзідэнцкай кампаніяй 2028 года.
Для віцэ-прэзідэнта ЗША Джэй Дзі Вэнса перамовы паміж ЗША і Іранам, якія праходзяць 11 красавіка ў Ісламабадзе, могуць стаць вырашальным момантам у яго кар’еры, піша Bloomberg.
Паспяховая здзелка можа рэзка ўзмацніць рэпутацыю Вэнса як самастойнага гульца на сусветнай арэне і ўмацаваць яго пазіцыі перад магчымай прэзідэнцкай кампаніяй 2028 года. Правал, наадварот, здольны падарваць яго статус унутры адміністрацыі і зрабіць яго адным з галоўных адказных за няўдачу спробы завяршыць непапулярную вайну.
The Wall Street Journal называе перамовы з Іранам апошнім выпрабаваннем для палітыка, які, верагодна, «спадзяецца змяніць Трампа ў Белым доме». Яно «звязана з сур’ёзнымі рызыкамі», падкрэслівае выданне.
Сярод папярэдніх даручэнняў-выпрабаванняў ад Трампа — барацьба з махлярствам і злоўжываннямі ў федэральных праграмах сацыяльнай дапамогі. Акрамя таго, у гэтым месяцы Вэнс наведаў Будапешт, каб выказаць прэм’ер-міністру Віктар Орбан і кіроўнай партыі «Фідэс» сваю падтрымку напярэдадні парламенцкіх выбараў у Венгрыі.
Каментары