Dla Vensa pieramovy ŭ Isłamabadzie mohuć stać klučavym momantam u karjery
Paśpiachovaja ździełka moža rezka ŭzmacnić reputacyju Vensa jak samastojnaha hulca na suśvietnaj arenie i ŭmacavać jaho pazicyi pierad mahčymaj prezidenckaj kampanijaj 2028 hoda.
Dla vice-prezidenta ZŠA Džej Dzi Vensa pieramovy pamiž ZŠA i Iranam, jakija prachodziać 11 krasavika ŭ Isłamabadzie, mohuć stać vyrašalnym momantam u jaho karjery, piša Bloomberg.
Paśpiachovaja ździełka moža rezka ŭzmacnić reputacyju Vensa jak samastojnaha hulca na suśvietnaj arenie i ŭmacavać jaho pazicyi pierad mahčymaj prezidenckaj kampanijaj 2028 hoda. Pravał, naadvarot, zdolny padarvać jaho status unutry administracyi i zrabić jaho adnym z hałoŭnych adkaznych za niaŭdaču sproby zaviaršyć niepapularnuju vajnu.
The Wall Street Journal nazyvaje pieramovy ź Iranam apošnim vyprabavańniem dla palityka, jaki, vierahodna, «spadziajecca źmianić Trampa ŭ Biełym domie». Jano «źviazana z surjoznymi ryzykami», padkreślivaje vydańnie.
Siarod papiarednich daručeńniaŭ-vyprabavańniaŭ ad Trampa — baraćba z machlarstvam i złoŭžyvańniami ŭ fiederalnych prahramach sacyjalnaj dapamohi. Akramia taho, u hetym miesiacy Vens naviedaŭ Budapiešt, kab vykazać premjer-ministru Viktar Orban i kiroŭnaj partyi «Fides» svaju padtrymku napiaredadni parłamienckich vybaraŭ u Vienhryi.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary