Кіраваць выбарам пляцоўкі для могільніка ядзерных адкідаў будзе былы супрацоўнік КДБ
13 красавіка Мінэнерга Беларусі паведаміла, што дырэктарам РУП «Беларуская арганізацыя па абыходжанні з радыёактыўнымі адкідамі» (БелРАА) прызначаны Міхаіл Кісель, які раней займаў кіраўнічую пасаду на Беларускай АЭС. Месца вызвалілася пасля нядаўняга звальнення папярэдняга дырэктара Дзмітрыя Логвіна, піша «Флагшток».
Як даведаўся «Флагшток», да гэтага Міхаіл Кісель займаў пасаду намесніка генеральнага дырэктара па рэжыме і фізічнай абароне БелАЭС. А яшчэ раней ён з'яўляўся супрацоўнікам Камітэта дзяржаўнай бяспекі, удалося высветліць пры дапамозе «Кіберпартызанаў».
З 2016 года Кісель значыўся на службе ў вайсковай часці 10091 — гэта цэнтральны апарат КДБ Беларусі. Але ўжо ў 2017 годзе ён прыйшоў на БелАЭС, калі атамная станцыя яшчэ толькі будавалася. Як намеснік гендырэктара БелАЭС ён згадваецца ў прэсе як мінімум з 2018 года. А таксама — як «начальнік упраўлення службы бяспекі» станцыі. Пры гэтым яго фота дзяржрэсурсы раней ні разу не публікавалі.
У інфармацыі Мінэнерга пра новае прызначэнне Кісяля падкрэсліваецца, што ў ліку пастаўленых яму задач — «рэалізацыя праекта па стварэнні інфраструктуры абыходжання з радыёактыўнымі адходамі, уключаючы правядзенне грамадскіх абмеркаванняў, выбар пляцоўкі і падрыхтоўку да ліцэнзавання».
Ядзерны магільнік можа з'явіцца ў Хойніцкім раёне ў Гомельскай вобласці, Астравецкім раёне ў Гродзенскай вобласці і Мсціслаўскім раёне ў Магілёўскай вобласці.
Цяпер чытаюць
Лукашэнка параіў узбекам шукаць вялікія грошы ў Расіі11
Лукашэнка параіў узбекам шукаць вялікія грошы ў Расіі
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары
Кіберпартызанам нас не дастаць, бо мы адслужылі у дакампутарныя часы, калі клавіятуры была толькі у савецкай шахтнай пускавой устаноўцы.