Марка Рубіа на наступным тыдні паедзе ў Рым і Ватыкан выпраўляць адносіны
Дзяржаўны сакратар ЗША Марка Рубіа на наступным тыдні наведае Рым і Ватыкан на фоне напружанасці ў адносінах паміж Вашынгтонам, Святым Пасадам і Італіяй, паведамляе італьянскае выданне Corriere della Sera.
Чакаецца, што візіт адбудзецца ў чацвер і пятніцу. Спачатку Рубіа паедзе ў Ватыкан, дзе, верагодна, сустрэнецца з дзяржаўным сакратаром Святога Пасаду П’етра Паралінам. Пасля гэтага ён накіруецца ў Рым, дзе запланаваныя сустрэчы з міністрам замежных спраў Італіі Антоніа Таяні і міністрам абароны Гвіда Кразета.
Таксама паведамляецца, што амерыканскі чыноўнік папрасіў пра сустрэчу з прэм’ер-міністаркай Італіі Джорджай Мелоні. Пакуль такая сустрэча ні пацверджаная, ні выключаная.
Візіт пройдзе на фоне пагаршэння адносін паміж ЗША і Італіяй. Апошнім часам паміж прэзідэнтам ЗША Дональдам Трампам і Джорджай Мелоні ўзнік канфлікт пасля таго, як Трамп рэзка раскрытыкаваў заклікі Папы Льва XIV да міру на Блізкім Усходзе.
Мелоні назвала выказванні амерыканскага лідара непрымальнымі. У адказ Трамп абвінаваціў яе ў адсутнасці мужнасці і заявіў, што іх дачыненні ўжо не такія, як раней.
Акрамя таго, ён дапусціў магчымасць скарачэння амерыканскага вайсковага кантынгенту ў Італіі, сцвярджаючы, што гэтая краіна нібыта нічым не дапамагла ў вайне супраць Ірана.
Ёсць сведчанні, што вербальная вайна Трампа з Папам, падчас якой ён нават выставіў у сацсетках блюзнерскую выяву сябе самога ў выглядзе Месіі, не пайшла яму на карысць, і ён стаў страчваць падтрымку ў кансерватыўных колах.
Праз канфлікт з Папам Трамп пачаў страчваць падтрымку выбаршчыкаў. У Вашынгтоне загаварылі пра прымірэнне
«Трэба трымацца ад яго далей». Еўрапейскія ультраправыя адварочваюцца ад Трампа
Мелоні: Захад павінен патрабаваць крокі наперад ад Пуціна, а не ісці яму насустрач
Пасля допісу з крытыкай Папы Трамп апублікаваў сваю выяву ў вобразе Месіі
Прапагандысты запэўніваюць, што 196 палітвязняў ужо на свабодзе8
Каментары