Стала вядома, калі спыніць працу Нацыянальны цэнтр сучаснага мастацтва
Раней стала вядома, што ў Мінску плануюць ліквідаваць Нацыянальны цэнтр сучаснага мастацтва — дзяржаўную культурную ўстанову, якая працавала больш за дзесяць гадоў і была адной з ключавых пляцовак сучаснага мастацтва ў краіне. Цяпер сам цэнтр паведаміў, калі гэта адбудзецца.
Як паведамляецца ў сацсетках НЦСМ, яго выставачная дзейнасць па адрасе вул. Някрасава, 3 спыняецца з 22 чэрвеня 2026 года. Падрабязнасці абяцаюць даць пазней.
Нацыянальны цэнтр сучаснага мастацтва быў створаны ў 2015 годзе шляхам аб’яднання дзвюх папярэдніх інстытуцый: Творчых Майстэрняў «Цэнтр Сучасных Мастацтваў» і дзяржаўнай установы «Музей сучаснага выяўленчага мастацтва». За час існавання ён стаў важнай платформай для сучаснага мастацтва ў Беларусі.
Цэнтр займаўся падтрымкай эксперыментальных праектаў у выяўленчым, тэатральным і музычным мастацтве, працаваў з маладымі мастакамі і куратарамі, а таксама ўдзельнічаў у міжнародных праектах, у тым ліку ў арганізацыі нацыянальных павільёнаў Беларусі на Венецыянскім біенале і іншых буйных арт-падзеях.
Прапагандысты запэўніваюць, што 196 палітвязняў ужо на свабодзе9
Каментары