Вярхоўная рада заканадаўча зацвердзіла бяз'ядзерны статус Украіны. За прыняцце пастановы «Аб заяве Вярхоўнай рады Украіны «Бяз'ядзернаму статусу Украіны — рэальныя гарантыі» прагаласавалі 345 дэпутатаў з 429 зарэгістраваных.
Згодна з пастановай, кабінет міністраў Украіны павінен забяспечыць падрыхтоўку міжнародна-прававога дакумента, накіраванага на развіццё палажэнняў Будапешцкага мемарандума і стварэнне рэальных міжнародна-прававых гарантыяў нацыянальнай бяспекі бяз'ядзернай Украіны, ажыццявіць неабходныя крокі і працэдурныя фармальнасці адносна яго разгляду і падпісання вядучымі ядзернымі дзяржавамі свету — РФ, Вялікабрытаніяй, ЗША, КНР і Францыяй.
Нагадаем, на красавіцкім саміце па пытаннях ядзернай бяспекі ў Вашынгтоне прэзідэнт
Віктар Януковіч заявіў, што Украіна за два гады пазбавіцца ад рэштак высокаўзгабачанага ўрану.Менавіта пасля гэтага Украіна канчаткова здабудзе статус бяз'ядзернай дзяржавы.
Прапагандысты запэўніваюць, што 196 палітвязняў ужо на свабодзе9
Каментары