У дацкім Хернінгу прайшло лёсаванне параў плей-оф кваліфікацыі чэмпіянату Еўропы па футболе сярод моладзевых камандаў.
У плей-оф да фінальнай часткі чэмпіянату Еўропы па футболе сярод моладзевых камандаў зборная Беларусі (галоўны трэнер -- Георгі Кандрацьеў) сустрэнецца са зборнай Італіі.
Лёсаванне параў плей-оф прайшло сёння, 10 верасня, у дацкім Хернінгу.
Склад іншых шасці параў: Англія - Румынія, Нідэрланды - Украіна, Іспанія - Харватыя, Швейцарыя - Швецыя, Ісландыя - Шатландыя, Чэхія - Грэцыя.
Матчы плей-оф пройдуць 8 і 12 кастрычніка. Першы матч беларусы правядуць у гасцях.
***
У адборачным турніры зборная Беларусі заняла 2-е месца (следам за Шатландыяй) і дзякуючы лепшым паказчыкам, чым іншыя зборныя, што пазаймалі ў сваіх групах другія месцы, трапіла ў плей-оф.
Чэмпіянат Еўропы па футболе сярод моладзевых камандаў пройдзе з 12 па 25 чэрвеня 2011 года ў Даніі
ў гарадах Орхус, Ольбарг, Вібарг, Хернінг. Удзел у ім возьмуць восем камандаў, разбітыя на 2 групы.
У 2009 г. на чэмпіянаце Еўропы ў Швецыі зборная Беларусі (галоўны трэнер – с. п. Юры Курненін) заняла ў групе апошняе месца, згуляўшы адзін матч унічыю і прайграўшы ў дзвюх гульнях (у тым ліку Італіі - 1:2). На чэмпіянаце ў 2004 г. зборная, якой кіраваў Юры Пунтус, не змагла выйсці з групы, заняўшы 3-е месца.
Прапагандысты запэўніваюць, што 196 палітвязняў ужо на свабодзе9
Каментары