14 лютага пасля абеду старшыні праваабарончага цэнтра «Вясна» Алесю Бяляцкаму затэлефанаваў чалавек, які прадставіўся намеснікам начальніка аддзела нагляду за захаваннем правоў і свабодаў грамадзянаў Генаральнай пракуратуры РБ Паўлам Елісеевым.
Супрацоўнік Генпракуратуры выказаў жаданне пагутарыць з А. Бяляцкім. На пытанне, наконт чаго мяркуецца гутарка, сп. Елісееў адказаў: «Наконт дзейнасці праваабарончага цэнтра «Вясна».
На думку Алеся Бяляцкага, гэты выклік звязаны з актыўнай дзейнасцю ПЦ «Вясна» як незарэгістраванай арганізацыі. Хутчэй за ўсё, мяркуе праваабаронца, ён будзе папярэджаны за дзейнасць ад імя незарэгістраванай арганізацыі.
«Калі гэтак адбудзецца, я адразу катэгарычна не згодны, — пракаментаваў сітуацыю сам Алесь Бяляцкі. — Артыкул 193.1 — «Дзейнасць ад імя незарэгістраванай арганізацыі» — супярэчыць Канстытуцыі і міжнародным пагадненням Рэспублікі Беларусь, узятым ёю на сябе ў сферы абароны правоў чалавека. Гэта — рэпрэсіўны артыкул, накіраваны на ўдушэньне грамадскай актыўнасьці ў Беларусі».
Гутарка А.Бяляцкага ў Генпракуратуры адбудзецца 16 лютага, у сераду, а 15 гадзіне. Да серады павінна быць даслана афіцыйная позва.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары