Суд над дэмакратычным актывістам, членам выбарчага штабаэкс-кандыдата ў прэзідэнты Віталя Рымашэўскага Вадзімам Кабанчуком павінен адбыцца 15 лютага ў Мінску,
паведаміла маці актывіста бабруйчанка Таісія Кабанчук.
Паводле яе слоў, 14 лютага каля 19.00 Вадзім Кабанчук быў дастаўлены ў Мінск, у СІЗА па вуліцы Акрэсціна. Там маці затрыманага паведамілі, што яго справа будзе разглядацца
15 лютага ў судзе Маскоўскага раёна сталіцы.
Вадзім Кабанчук быў затрыманы вечарам 13 лютага на пагранпераходзе «Каменны Лог». У другой палове дня актывіст вяртаўся ў Беларусь аўтобусам з Вільні, дзе знаходзіўся па грамадскіх справах. Кабанчук вёз 100 бюлетэняў з матэрыяламі на рускай і беларускай мовах аб падзеях у краіне пасля прэзідэнцкіх выбараў. Падчас мытнага надгляду бюлетэні, выдадзеныя беларускімі дэмакратычнымі структурамі за межамі краіны, былі знойдзены і канфіскаваны на экспертызу са складаннем адпаведнага пратакола.
Позна вечарам Кабанчук быў адпраўлены ў Ашмянскі РАУС Гродзенскай вобласці.
Прапагандысты запэўніваюць, што 196 палітвязняў ужо на свабодзе9
Каментары