Чарговы перапынак выкліканы тым, што адвакатам неабходна азнаёміцца з новымі абвінавачаннямі і дакументамі, далучанымі пракурорам да справы. Артыкул застаецца той жа самы, удзел у масавых беспарадках.
Дарадца расійскай амбасады ў Мінску Вадзім Гусеў наступным чынам пракаментаваў сённяшняе паседжанне журналістам: «У нас шмат пытанняў узнікае. Асноўнае, дзе былі тыя новыя 15 пацярпелых міліцыянтаў, яны ж сведкі, раней. Чаму аб іх толькі сёння было заяўлена. Безумоўна, добра тое, што працэс праходзіць адкрыта, што на яго дапускаюць свабодную прэсу, праваабаронцаў і прадстаўнікоў амбасады, аднак пытанні ўзнікаюць».
10.50
Суддзя прыняла рашэнне зрабіць чарговы перапынак.
Паседжанне працягнецца 10 сакавіка.
Хадайніцтва аб вызваленні грамадзян Расіі пад падпіску аб нявыездзе задаволена не было ў сувязі з «цяжкім характарам злачынства».
10.25
Пасля таго, як пракурор зачытаў новае абвінавачванне, адвакаты падсудных папрасілі зрабіць у пасяджэнні перапынак, каб азнаёміцца з ім.
Адвакаты таксама падалі хадайніцтвы аб змяненні меры стрымання Брэусу і Гапонаву і вызваліць іх пад падпіску аб нявыездзе. Пракурор не пагадзіўся з хадайніцтвам, заявіўшы, што Брэус і Гапонаў
абвінавачваюцца ў асабліва цяжкім злачынстве.
Пракурор таксама папрасіў суддзю далучыць да справы паказанні пабітых на Плошчы міліцыянтаў і дакументы, якія пацвярджаюць атрыманне траўм супрацоўнікамі праваахоўных органаў.
У дадзены момант суддзя выйшла ў адмысловы пакой, дзе будзе разглядаць хадайніцтвы пракурора і адвакатаў. Перапынак працягнецца 10 хвілін.
10.10
Пракурор зачытвае абвінавачванне. Згодна з ім, І.Гапонаў і А.Брэус вечарам
19 снежня аказвалі ўзброенае супраціўленне супрацоўнікам праваахоўных органаў, білі іх, імкнуліся пранікнуць у Дом урада.
У абвінавачанні прагучаў пералік пацярпелых міліцыянтаў і спецназаўцаў: Булавацкі, Скараход, Кудравец, Кашталанаў, Волкаў, Макальскі, Караваеў і іншыя. Пракурор сцвярджае, што ўсе яны пацярпелі ад дзеянняў дэманстрантаў 19 снежня на плошчы Незалежнасці. У прыватнасці, Скараход атрымаў страсенне мазгоў, а Булавацкаму былі разбітыя вусны. Іншыя супрацоўнікі праваахоўных органаў «адчулі фізічны боль».
9.55
Паседжанне пачынаецца. З залы папрасілі выйсці усіх фотакарэспандэнтаў і відэааператараў.
Адвакаты размаўляюць са сваімі падабароннымі. Суддзі і пракурора пакуль няма. Сёння людзей, якія прыйшлі на працэс Брэуса і Гапонава, значна менш, чым у першы дзень суда.
Цяпер чытаюць
У Мінску адкрылі першы дыяганальны пешаходны пераход1
У Мінску адкрылі першы дыяганальны пешаходны пераход
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары