Яшчэ адзін кандыдат у прэзідэнты працягвае знаходзіцца ў жодзінскім СІЗА
На фоне іншых гучных палітычных працэсаў, крыху з поля зроку выпала справа Івана Кулікова.
На фоне іншых гучных палітычных працэсаў, крыху з поля зроку выпала справа былога кандыдата ў прэзідэнты Івана Кулікова.
Загадчык лабараторыі абсталявання ядзерных энергетычных установак Аб’яднанага інстытута энергетычных і ядзерных даследаванняў «Сосны» Іван Кулікоў быў арыштаваны 17 студзеня. Яго абвінавацілі ў тым, што на працягу васьмі гадоў мужчына атрымліваў заробкі за фіктыўна аформленых рабочых.
Арышт і абвінавачванне супала з вылучэннем Івана Кулікова ў кандыдатам у прэзідэнты. Ініцыятыўная група была зарэгістраваная пры ЦВК, але не змагла сабраць неабходных 100 тысяч подпісаў.
Сын Кулікова Уладзімір кажа, што бацька працягвае знаходзіцца ў СІЗА ў Жодзіна. «Сваякам не даюць сустрэцца з ім. Мы не робім нейкіх палітычных заяваў, хоць справа відавочна шытая белымі ніткамі. Проста сканцэнтраваліся на абароне чалавека», — зазначае Уладзімір.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары