Яна вярнулася на ўзровень вясны 2005 года.
Стаўка рэфінансавання Нацыянальнага банка Рэспублікі Беларусь з 1 чэрвеня 2011 г. павышаецца на 2 працэнтныя пункты і складзе 16% гадавых.
Адпаведная пастанова 30 мая прынята праўленнем Нацбанка «з улікам росту спажывецкіх цэнаў і высокіх інфляцыйных чаканняў».
Як паведамляе ўпраўленне інфармацыі Нацбанка, чарговае павышэнне стаўкі рэфінансавання, а адпаведна і працэнтнай стаўкі па дэпазітах, накіравана на павелічэнне даходнасці па ўкладах у беларускіх рублях і ўзмацненне абароны рублёвых зберажэнняў у банках ад інфляцыі.
Галоўны банк краіны абяцае «і далей надаваць пільную ўвагу захаванасці і прывабнасці рублёвых укладаў насельніцтва і арганізацый у банках».
Гэта чацвёртае павышэнне стаўкі рэфінансавання з пачатку гэтага года.
Папярэднія разы яна падвышалася 18 мая — на 1 працэнтны пункт (да 14%),
16 сакавіка — на 1,5 працэнтнага пункта (з 10,5 да 12%), а затым 20 красавіка — на 1% да 13% гадавых.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары