У Мінску абвясцілі вайну самавольна ўсталяваным шлагбаўмам і іншым замыкальным прыладам.Пра гэта паведаміў учора на аператыўнай нарадзе ў мэрыі начальнік землеўпарадкавальнай службы Мінгарвыканкама Андрэй Дамарацкі, перадае карэспандэнт БелТА.
Такія аб’екты падлягаюць або ліквідацыі, альбо афармленню ў адпаведнасці з заканадаўствам. За нерэагаванне на прадпісанні суб’екты гаспадарання прыцягваюцца да адміністрацыйнай адказнасці.
Усяго за апошні тыдзень выяўлена 39 фактаў самавольнага ўсталявання замыкальных канструкцый (ланцугоў, дратоў са сцяжкамі, шлагбаумаў), 11 збудаванняў дэмантаваныя, 15 найбліжэйшым часам будуць узаконеныя, на 10 уласнікі аформілі дакументы. Але сустракаюцца выпадкі, калі пасля дэмантажу замыкальных прылад яны зноў вяртаюцца на звыклыя месцы.
«Гэтае пытанне знаходзіцца на кантролі, у дачыненні да арганізацый, якія ігнаруюць указанні і патрабаванні, будуць ужывацца самыя строгія меры»,— сказаў Андрэй Дамарацкі.
Таксама ён звярнуў увагу на неналежны выгляд некаторых узаконеных замыкальных прыладаў (усяго іх у Мінску налічваецца каля 60): часцяком гэта іржавыя ланцугі, драты са сцяжкамі, якія псуюць эстэтычны выгляд горада. У месячны тэрмін трэба будзе правесці інвентарызацыю такіх аб’ектаў і прывесці іх у парадак.
Цяпер чытаюць
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну8
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары