ААТ «Газпром» узяло абавязак максімальна загрузіць газаправоды, размешчаныя ў Беларусі. Палажэнне аб гэтым утрымліваецца ў міжурадавымбеларуска-расійскім пагадненні аб умовахкуплі-продажу акцый і далейшай дзейнасці ААТ «Белтрансгаз».
«ААТ „Газпром“ прыкладзе намаганні для максімальна магчымай загрузкі газаправодаў, размешчаных на тэрыторыі Беларусі», — цытуе пагадненне РІА Новости.
Дакументам устаноўлена, што «Белтрансгаз» будзе ажыццяўляць пастаўку газу на тэрыторыю Беларусі, транспарціроўку газу, будаўніцтва і развіццё газаправодаў і звязаных з імі аб’ектаў, а таксама аб’ектаў падземнага захоўвання газу ў краіне.
«Белтрансгаз» будзе ажыццяўляць штогадовае запампоўванне прыроднага газу ў падземныя сховішчы газу ў аб’ёмах,неабходных для забеспячэння бесперабойнай пастаўкі прыроднага газу спажыўцам і падтрымання тэхналагічнага працэсу функцыянавання аб’ектаў падземнага захоўвання газу.
Прадпрыемства таксама будзе ажыццяўляць функцыі замоўцы пры будаўніцтве і развіцці газаправодаў і звязаных з імі аб’ектаў, а таксама аб’ектаў падземнага захоўвання газу ў Беларусі.
Вызначана, што «Белтрансгаз» будзе ажыццяўляць функцыі аператара па эксплуатацыі газаправода Ямал — Еўропа на тэрыторыі Беларусі, іншых дзейных і новых створаных магістральных газаправодаў.
***
Нагадаем, дакумент аб куплі 50% акцый ААТ «Белтрансгаз» быў падпісаны «Газпромам» і Дзяржкамітэтам па маёмасці Беларусі 25 лістапада ў Маскве. Такім чынам, «Газпром» стаў уладальнікам 100% акцый беларускай кампаніі: першыя 50% акцый «Белтрансгаза» расійскі газавы манапаліст выкупіў долямі на працягу 2007–2010 гадоў.
«Газпром» ужо паведаміў аб прынятым рашэнні перайменаваць «Белтрансгаз» у «Газпром трансгаз Беларусь».
Цяпер чытаюць
Прапагандысты запэўніваюць, што 196 палітвязняў ужо на свабодзе9
Каментары