5 сакавіка ў Беларусі стартавала ўступная кампанія — пачалася рэгістрацыя абітурыентаў для праходжанняпрафесійна-псіхалагічнай гутаркі, што неабходна для паступлення на асобныя спецыяльнасці.
Гаворка ідзе пра спецыяльнасці «Дзяржаўнае кіраванне», «Дзяржаўнае кіраванне і права», «Дзяржаўнае кіраванне і эканоміка», «Міжнародныя адносіны», «Міжнароднае права», «Правазнаўства», «Эканамічнае права», «Журналістыка» (у тым ліку калі яна з’яўляецца дадатковай спецыяльнасцю), «Міжнародная журналістыка» і «Мытная справа». Для кожнай групы спецыяльнасцяў вызначаны пералік ВНУ па ўсёй Беларусі, дзе можна прайсці гутарку.
Паводле інфармацыі Мінадукацыі, рэгістрацыя на гутарку пройдзе па 31 сакавіка ўключна.Заяву можна перадаць асабіста (неабходны дакумент, які сведчыць асобу) або па пошце (з копіяй дакумента, што сведчыць асобу).
Абітурыент мае права прайсці гутарку па кожнай групе спецыяльнасцяў. Аднак праходзіць гутарку на адну і тую ж спецыяльнасць (групу спецыяльнасцяў) у розных ВНУ нельга. Тым, хто зарэгістраваўся на адну спецыяльнасць двойчы, прапануюць прайсці гутарку па першым з двух адрасоў запісу.
У склад камісіі ўваходзіць адзін з намеснікаў кіраўніка ВНУ або кіраўнік факультэта, на якім ажыццяўляецца падрыхтоўка спецыялістаў па ўказаных спецыяльнасцях, прафесары, дацэнты, выкладчыкі, псіхолагі, сацыяльныя педагогі і іншыя работнікі ВНУ, а таксама кваліфікаваныя спецыялісты адпаведных галін эканомікі і сацыяльнай сферы Беларусі. Дакументам аб выніках гутаркі з’яўляецца рэкамендацыя для ўдзелу ў конкурсе на атрыманне вышэйшай адукацыі. Яна выдаецца ў дзень праходжання гутаркі.
Прафесійна-псіхалагічная гутарка будзе праходзіць з 5 па 30 красавіка ў адпаведнасці з графікамі, зацверджанымі ВНУ.
Падчас гутаркі абітурыент «павінен даказаць членам камісіі, што ён усвядомлена зрабіў выбар будучай прафесіі»: паказаць свае асобасныя, дзелавыя якасці, здольнасці і матывацыі да навучання па названых спецыяльнасцях.
Ад праходжання
Каментары