Відавочцы: Пры абрэзцы дрэваў у Мінску знішчылі гнёзды з птушанятамі
Згодна закона знішчэнне гнёздаў дазволена з 16 кастрычніка па 15 красавіка.
У рэдакцыю «Нашай Нівы» звярнуліся чытачы, якія паведамілі, што ў адным з мінскіх двароў рабочыя абразаюць кроны дрэваў разам з птушынымі гнёздамі. У тых гнёздах, сцвярджаюць сведкі, ужо вывеліся птушаняты. Пры абрэзцы дрэваў яны гінуць. Здарылася гэта ў дварах вуліцы Кісялёва.
Такія выпадкі здараюцца даволі часта. І нярэдка людзі скардзяцца ў камунальныя службы акурат на шум ад птушак, а таксама антысанітарыю ў дварах.
Аднак, варта памятаць, што знішчэнне спілоўванне і знішчэнне гнёздаў згодна з Законам «Аб жывёльным свеце», можа праводзіцца выключна ў адведзеныя для гэтага тэрміны.Так, згодна раздзела 4, ч. 3.5 арт. 19 разбурэнне гнёздаў птушак, размешчаных на насаджэннях у населеных пунктах, жылых, вытворчых, культурна-бытавых і іншых будынках і збудаваннях, дазволена з 16 кастрычніка па 15 красавіка — то бок, да пачатку гнездавога сезону.
Знішчэнне жылых гнёздаў з 15 красавіка да сярэдзіны кастрычніка ў залежнасці ад памеру нанесенай шкоды караецца згодна адміністрацыйнага або крымінальнага кодэксу.
Што рабіць, калі ў ходзе абрэзкі дрэў знішчаюцца жылыя птушыныя гнёзды? Грамадская арганізацыя «Ахова птушак Бацькаўшчыны» раіць у такіх выпадках дзейнічаць паводле наступнага алгарытму:
1. Неадкладна праінфармаваць тэрытарыяльны орган Міністэрства прыродных рэсурсаў і аховы навакольнага асяроддзя. Тэлефон можна даведацца ў даведцы або на сайце Мінпрыроды. Не забудзьцеся запісаць імя і прозвішча чалавека, які прыняў ваша паведамленне.
2. Задакументаваць тое, што адбываецца і запісаць тэлефоны іншых відавочцаў. Палічыць, колькі гнёздаў і птушанят ўжо знішчана, колькі гнёздаў яшчэ знаходзіцца на дрэвах. Калі пад рукой няма фотаапарата — зрабіце фота на мабільны тэлефон. .
3. Паведаміць у АПБ па тэлефонах (8017-263-06-13, 8029-223-06-13, 8029-101-68-87) або па электроннай пошце ([email protected]). Не забудзьцеся пазначыць свае кантактныя дадзеныя — супрацоўнікі арганізацыі звяжуцца з вамі.
Цяпер чытаюць
У турме памёр былы супрацоўнік КДБ Мікалай Варапай, асуджаны за шпіянаж на карысць Украіны2
Каментары