Польскі кінарэжысёр, сцэнарыст і прадзюсар Кшыштаф Занусі правядзе майстар-клас для ўдзельнікаў Кангрэса каталіцкіх СМІ ў Гродне.24–26 жніўня ў будынку Вышэйшай духоўнай семінарыі збяруцца журналісты-католікі, каб разам паглядзець у будучыню каталіцкіх СМІ і паразважаць аб прысутнасці Касцёла ва ўсёй прасторы мас-медыя.
Кшыштаф Занусі — адзін з самых вядомых польскіх кінатворцаў за мяжой. Яго кіно глыбока аўтарскае — ён піша сцэнарыі, рэалізуе іх ва ўласцівай сабе форме, часта супрацоўнічае з аднымі і тымі ж акцёрамі. У 1984 годзе Занусі атрымаў «Залатога льва» — галоўную ўзнагароду Венецыянскага кінафестывалю. І гэта далёка не адзіная ўзнагарода за яго творчую дзейнасць.
Фільмаграфія польскага кінарэжысёра налічвае звыш 20 поўнаметражных мастацкіх фільмаў, каля 10 кароткаметражных і каля 30 тэлевізійных фільмаў.
Кшыштаф Занусі неаднаразова наведваў Беларусь, у тым ліку ў якасці ганаровага госця Мінскага міжнароднага кінафестывалю «Лістапад».
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі1
Каментары