У Беларусі будзе прадоўжана будаўніцтва Лядовых палацаў у гарадах з насельніцтвам каля 100 тыс. Аб гэтым заявіў прэзідэнт краіны Аляксандр Лукашэнка на нарадзе па пытанню ўдзелу каманды Беларусі па хакею з шайбай у чэмпіянаце Расіі.
Ён падкрэсліў, што такія аб’екты з’яўляюцца спартыўна‑культурнымі цэнтрамі, і «сёння на гэта вялікі попыт».
Цяпер у рэспубліцы ўзведзена 10 Лядовых палацаў. Ні адзін з іх дзяржава не датуе — яны самаакупныя, падкрэсліў прэзідэнт. «Гэта нармальныя праекты з пункту гледжання эканомікі. Так, мы, напэўна, не вернем у бюджэт грошы — гэта сацыяльныя аб’екты, і не трэба на гэта спадзявацца. Але галоўнае, што мы грошы не трацім на іх утрыманне «, — сказаў Аляксандр Лукашэнка.
Паводле слоў кіраўніка дзяржавы, у планах — узвядзенне Лядовых палацаў у такіх гарадах, як Баранавічы, Бабруйск, Орша, Ліда, Полацк. «Час ужо зрабіць, як у вядучых дзяржавах свету, — лічыць ён. — У Фінляндыі, Чэхіі — сотні лядовых пляцовак, а ў нас усяго дзесяць».
Пры гэтым Аляксандр Лукашэнка адзначыў, што дзяржава траціць вялікія грошы на падтрымку спорту. Толькі на развіццё хакея ў 2006 годзе было зрасходавана амаль Br60 млрд. «Ні адна дзяржава столькі грошай «адкрыта» не ўкладвае», — падкрэсліў беларускі лідэр.
Каментары