Новыя кнігі, дасланыя ў рэдакцыю
Беларуская энцыкляпэдыя: У 18 т. Т. 10: Маляйзія — Мугаджары / Рэдакцыйная калегія: Г.Пашкоў ды інш. — Менск: Беларуская энцыкляпэдыя, 2000. — 514 с.: іл. — Наклад 10 000 ас. ISBN 985-11-0169-9 (т. 10). ISBN 985-11-0035-8
Найтаньней Вы прыдбаеце апошні том «Беларускай энцыкляпэдыі», калі сваячасна зьвернецеся ў шапік выдавецтва, дзе гэтая кніга каштуе нашмат таньней, чым у кнігарнях — 1062 рублі.
А.Семяновіч. З пражытага й перажытага. -- Менск: Беларускі кнігазбор, 2000. -- 316 с. -- Наклад 200 ас. ISBN 985-6318-88-2
Мэмуары беларускага літаратуразнаўца Антона Семяновіча (нар. 1917 г.) — сьведчаньне пра час, у якім цягам амаль цэлага ХХ ст. давялося жыць і працаваць аўтару.
Кантакты й дыялёгі: Інфармацыйна-аналітычны бюлетэнь грамадзкай арганізацыі «Міжнародная асацыяцыя беларусістаў» і грамадзкай арганізацыі «Беларускае таварыства дружбы й замежных сувязяў з замежнымі краінымі». № 7—8, 2000. — Менск, 2000. — 64 с.: іл. — Наклад 299 ас.
Галоўная тэма выпуску — беларуская дыяспара. Гэтаксама шмат рэцэнзіяў.
Менск: Фотаальбом. У беларускай, ангельскай і расейскай мовах / Складальнік і аўтар тэксту В.Анікін; Фота Г.Ліхтаровіча ды інш.; Мастак В.Мішчанка. 2-е выданьне. -- Менск: Беларусь, 2000. — Наклад 5000 ас. ISBN 985-01-0216-0
Гэты альбом упершыню выйшаў у дні «сьвяткаваньня» 930-годзьдзя з дня разбурэньня Менску войскамі кіеўскага князя ў 1067 г. У альбоме ёсьць колькі цікавых ілюстрацыяў, але, як і за савецкім часам, бальшыню выяваў складаюць краявіды спальных раёнаў ды адміністрацыйных будынкаў паваеннага часу. Каштуе 1700 рублёў.
Спадчына. № 3, 2000. — Менск, 2000. — 224 с. — Наклад 1684 ас. ISSN 0236-1019
Гэты нумар «Спадчыны» вылучаецца сярод папярэдніх надзвычайнай колькасьцяй унікальных матар’ялаў: архіўныя дакумэнты пра Слуцкі збройны чын 1920 г., дасьледаваньне В.Астрогі пра нацыянальную сымболіку на ўніформе беларускага войска ў 1992—96 г. Упершыню друкуецца тэкст Ф.Кушаля ў перакладзе з польскае мовы «Дарога да Катынскага лесу». Вартая ўвагі й рэцэнзія Ў.Ляхоўскага на кнігі «Архівы БНР» з назовам «Уклаў Сяргей Шупа».
П.Вэйн. Ці верылі грэкі ў свае міты? Эсэ пра стваральнае ўяўленьне / Пераклад з францускае З.Коласа. — Менск: Энцыкляпэдыкс, 2000. — 176 с. — Наклад 1000 ас. ISBN 985-6509-03-2
Вядомы францускі дасьледнік антычнае гісторыі Поль Вэйн спрабуе ў сваёй кнізе, што ўпершыню выйшла па-беларуску, распавесьці чытачу пра тое, што ёсьць праўдаю й як яна зьмяняецца з часам. Наконт набыцьця кнігі зьвяртайцеся на кніжную выставу ў менскай сядзібе ТБМ.
Агляд падрыхтаваў Віктар Мухін
Каментары