Uzorny horad Pinsk

Niadaŭna pa radyjo pačuŭ šakujučuju navinu: u Pinsku budzie źniesieny šerah damoŭ u centry horadu, kab sprastavać tranzytnuju vulicu. Nia daŭ viery. Praź niekalki dzion pračytaŭ pra heta ŭ «NN».

Pačali rujnavać Horadniu, i tut raptam — Pinsk. Što heta? Naturalna, što heta nie vypadkovaść, adčuvajecca niejkaja zakanamiernaść. Składajecca ŭražańnie, što idzie cichaja, nieabjaŭlenaja vajna ź Biełaruśsiu. Idzie začystka terytoryi, vyzvaleńnie jaje ad reštak biełaruska‑lićvinskaj minuŭščyny, jakich i tak zastałosia vobmal. Pryčym paśpiešna, pa ŭsioj krainie, i hrošy na heta znachodziacca.

Sajt nn.by robicca na Vašy hrošy. Achviaravańnie možna pieravieści ŭ lubym adździaleńni banku, na luboj pošcie. Na bankaŭskaj kvitancyi ŭ hrafie «Vid płaciaža» treba paznačyć: «Achviaravańnie za Internet». U hrafie: «Atrymalnik płaciaža» treba pisać: PVUP «Surodzičy», UNP 190 786 828. U hrafie «Najmienavańnie banku» treba pisać: «MHD AAT «Bielinviestbank», vuł.Kalektarnaja, 11, Minsk, kod 764». U hrafie «Rachunak atrymalnika» — 3012 206 280 014. Pry pierasyłcy hrošaj pa pošcie toje samaje treba pisać u rubrykach «Kamu» i «Kudy». Razdrukavać bankaŭskuju kvitancyju (pdf-fajł 38Kb, A4).

Bo jak inačaj heta razumieć? Ci nie było b bolš racyjanalnym zrabić advod tranzytnaha transpartu z centru horadu na ŭskrainu? Adnak nie. Spačatku tuju ž samuju tranzytnuju vulicu pieratvaryli ŭ tupik, pierakryŭšy jaje pačvarnym budynkam HDK. A ciapier vyrašyli advieści ŭbok za košt starych damkoŭ. A moža, lepiej zrujnavać hetuju harharu HDK? A što, buryć dyk buryć! I adsialać nikoha nia treba.

Miesiac tamu ja hulaŭ pa hetym kavałku vulicy z haściami z Polščy. Heta jakraz adrezak vulicy ad histaryčnaha centru da domika Ryšarda Kapuścinskaha. I tady ja pačuŭ ad maich haściej, što tut niama duchu, ale… kali b tut byli kaviarańki, bary, kramki, to, moža, tady adčułasia b žyćcio.

Chaj ludzi ŭbačać Vašymi vačyma: źmiaścicie na nn.by Vašy foty i infarmacyju: [email protected], 29-707-73-29, 29-613-32-32, 17-284-73-29.

Tut jašče zachavalisia padvorki, pa jakich, napeŭna, hojsała dziatva ŭ časy malenstva Ryšarda Kapuścinskaha, pra što jon apisvaje ŭ svajoj knizie «Imperyja». I jany taksama mahli b stacca abjektam zacikaŭlenaści dla turystaŭ — amataraŭ tvorčaści vialikaha reparciora. Ale horadu časoŭ Ryšarda nia budzie. Zastałosia padarvać kalehijum i źnieści kaścioł razam z seminaryjaj (a što jany tam cacku sabie zrabili!) — i tady Pinsk stanie ŭzornym sučasnym biełorusskim horadam, z pustynnym zaasfaltavanym placdarmam, zručnym dla transpartu, zamiest hetych razvaluch.

Pinčuk

• 0
• 0
• 0
• 0
• 0
• 0
• 0
• 0