Imia hrosmajstra Entani Majłza, pieršaha ŭ Vialikabrytanii šachmatnaha hrosmajstra, vyklikaje ŭ biełaruskich amataraŭ adnaznačnyja emocyi: «Jak ža nia znać, heta toj, chto kaliści pieramoh Anatola Karpava ŭ «kryvym» debiucie!»
Nasamreč, zhulać čornymi suprać čempijona śvietu, kali Karpaŭ znachodziŭsia ŭ zenicie svajoj słavy, 1. e4 a6 2. d4 b5, treba było daŭmiecca. Paraza akazałasia nadzvyčaj kryŭdnaj dla hanarlivaha rasiejca. Bolš nichto ŭžo suprać jaho hetak piešak nie vysoŭvaŭ, pradčuvajučy, što Karpaŭ kamienia na kamieni nie pakinie ad pazycyi.
Pamior Majłz rana: sioleta moh by adznačać piacidziesiacihadovy jubilej. Adzin z najmacniejšych hrosmajstraŭ śvietu na rubiažy 1970—1980-ch byŭ za doškaj aryhinałam i zucham da apošnich hadoŭ žyćcia. Navat taki słavuty prychilnik fijankietavańnia słana na g7, jak Eduard Hufield, zajzdrościŭ chrabraści brytanca, jaki raz za razam prymianiaŭ ryzykoŭny «varyjant cmoka» ŭ sycylijanskaj abaronie. Niekatoryja ź jaho vynachodak vartyja repradukavańnia tut i ciapier: 1. d4 Ka6!?! 2. e4 c6 (Andersan — Majłz, Bil, 1996), 1. d4 e6 2. Kf3 f5 3. d5!? ed 4. Fd5 d6 5. Kg5 Fe7 6. Kh7 (Majłz — Vajser, Elista, 1998). Dla tych, chto nie vałodaje šachmatnaj natacyjaj, pajaśnim: pačynać partyju tak, jak pačynaŭ Majłz, pryblizna adpaviadaje vizytu ŭ šortach na pryjom da anhielskaj karalevy. Zrešty, kab sabrać hrošy dla padrychtoŭki da ŭdziełu ŭ čempijanacie śvietu, Majłz pajšoŭ by nia tolki da karalevy, a i na ćvintar, jak jon pryznaŭsia ŭ adnym ź interviju. Ale ź niejkaha momantu jon straciŭ vieru ŭ svaje siły j šancy — mabyć, paśla taho, jak prajhraŭ matč maładomu Hary Kasparavu z razhromnym likam 0,5:5,5.
Mienčuku Viktaru Kuprejčyku taksama adnojčy ŭdałosia adoleć Entani Majłza — u toj samy hod, kali paciarpieŭ parazu Karpaŭ. Pieršy biełaruski hrosmajstar nie biez pryjemnaści ŭspaminaje bataliju z uradžencam Birminhemu, što trapiła ŭ juhasłaŭski «Infarmatar», i dadaje: «Majłz byŭ dziŭnavaty, krychu jak nia z hetaha śvietu. Adnak pa ŭsim adčuvałasia, što jon byŭ vielmi addanaj šachmatam asobaj. Čałaviekam šachmat, kažučy karaciej». Nižej — pamiatnaja partyja, dzie na pačatku čornyja stajali vielmi padazrona…
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca4
Kamientary