«Biełaruskija dziaržaŭnyja ŚMI, kali paraŭnoŭvać ich z zamiežnymi kalehami, ujaŭlajuć saboj uzor strymanaści i karektnaści».
Pavodle jaho słoŭ, u sučasnym śviecie heta nie tolki samaja sumlennaja, ale i samaja efiektyŭnaja taktyka.
Aleh Pralaskoŭski padkreśliŭ, što ŭ płanie palityčnych acenak taho, što adbyvajecca ŭ susiednich krainach, biełaruskija dziaržaŭnyja ŚMI, kali paraŭnoŭvać ich z zamiežnymi kalehami, ujaŭlajuć saboj uzor strymanaści i karektnaści. «Pačytajcie, što pišuć pra biełarusaŭ u jeŭrapiejskich, amierykanskich ŚMI abo ŭ niekatorych adviazanych rasijskich hazietach. Tam nie prosta mana, tam vielmi častyja abrazy, niedapuščalnyja nie tolki dla žurnalista, ale i prosta dla luboha kulturnaha i intelihientnaha čałavieka. Tym nie mienš, my nie adkazvajem na chamstva chamstvam», — skazaŭ pamočnik prezidenta.
Jon zajaviŭ, što adnosiny Biełarusi da Rasii i Jeŭrasajuza viadomyja. «My žadajem budavać z Rasijaj nastolki ciesny sajuz, nakolki jana sama taho pažadaje. Ale, zrazumieła, na ŭmovach poŭnaha raŭnapraŭja. Ź Jeŭropaj my taksama hatovy supracoŭničać maštabna i enierhična. Ale, znoŭ ža, na pravach pavažanaha partniora, a nie ŭ roli padčarycy», — adznačyŭ Aleh Pralaskoŭski.
Havoračy ab aśviatleńni ŭ ŚMI padziej u Rasii i krainach ES, jon padkreśliŭ: «My prosta pišam praŭdu, ad dušy radujučysia pośpiecham našych susiedziaŭ i ščyra supieražyvajučy ich niaŭdačy».
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1
Kamientary