Nikoli bolej nia budzie takoha leta
Ničoha dobraha čakać nia varta
- Nikoli bolej nia budzie takoha leta,
nia budzie tak bieskłapotna i hetak śvietła —
nikoli.
- Filmy bolej nia buduć davać asałodu.
I dla sustrečy nia budzie nijakaj nahody.
Nikoli nia budzie bolej takoj harełki —
chałodnaj, spažyŭnaj, čystaj i jełkaj.
Nikoli.
- Tytuń pierastanie być pachkim, mocnym i smačnym.
A rozum adhetul nia miećmie pakaźnikaŭ značnych.
Nikoli nia budzie z taho, što jość, i pałaviny,
takich fajnych knižak u kramach, takoj viandliny.
Nikoli.
- I «chutkaja» bolej nia budzie nastolki chutkaj.
I nam tak kamfortna nia budzie ŭ śpiakotnych maršrutkach.
Nia budzie takich avanturaŭ, takich padarunkaŭ,
nastolki žadanych abdymkaŭ i pacałunkaŭ.
Nikoli.
- Nia pryjdzie tvoj list i ty nie pryjedzieš taksama.
Złamajemsia my, by ŭ susiednim dvary piłarama.
Hladziećmiem i vyćmiem na miesiac, što źziaje na stoli,
by dva suviaznych, što zabyli j nia ŭspomniać paroli.
Nikoli.
Hatel
- Voś ranica. I ŭ joj ciabie niama.
Vakno. I ja — myślenčaja turma.
- Voś kresła. Šafa. Boty la stała.
Voś łožak, dzie kaliści ty była.
- Voś cyharety. Słoŭnik na stale.
Pustyja plaški — z poŭnaj na čale.
- Hadzińnik, što spyniŭ padlik hadzin.
I ja — adzin, nibyta ŭ lampie džyn.
- Adbitki palcaŭ na staronkach knih.
Samota, što ździajśniaje svoj blickryh.
- Voś toje, što zhubiła svoj nazoŭ
j čaho nie pieražyć užo nanoŭ;
- što sapsavała nam i płoć, i kroŭ.
Za što da śmierci dziakavać hatoŭ.
Žyćcio nonstop
- čas hładzić ciabie suprać poŭści jon ciabie biesić
dy heta — ty viedaješ dobra — ničoha nia daść
jon sychodzić za miesiacam miesiac za miesiacam miesiac
a śledam ciabie atakuje luboŭnaja žarść
- ty zrobiš apošniuju sprobu jana ničoha nia źmienić
ty vyjdzieš na vulicu j viernieśsia pjanym u dym
biaz sensu ničoha rabić bo nichto nie pavieryć
biaz sensu być niekim a złašča być maładym
- ty znovu źvivajeśsia źmiejem u potnym łožku
i vyješ imia i tvoj skovyt jak płač niemaŭla
ź lipučaju ślinaj vycharkvajučy patrošku
kachańnie jakoje źjadała ciabie spakvala
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary