Prezydent Biełarusi Alaksandar Łukašenka źniaŭ siońnia z zajmanaj pasady staršyniu KDB Ściapana Sucharenku.
U pryvatnaści, vyzvalenyja ad zajmanych pasadaŭ staršynia KDB hienerał-lejtenant Ściapan Sucharenka i jaho pieršy namieśnik Vasil Dziemianciej, u suviazi ź pieravodam na inšuju pracu.
Staršynioj KDB pryznačany Jury Žadobin, jaki dahetul zajmaŭ pasadu načalnika Słužby biaśpieki prezydenta Respubliki Biełaruś. Zamiest jaho načalnikam słužby biaśpieki kiraŭnika dziaržavy pryznačany padpałkoŭnik Andrej Uciuryn, jaki da hetaha zajmaŭ pasadu načalnika kiravańnia asabistaj achovaj hetaj struktury.
Novamu kiraŭnictvu KDB daručana ŭ najścisłyja terminy ŭnieści prezydentu prapanovy pra kadravaje ŭmacavańnie KDB.
***
Jury Viktaravič Žadobin naradziŭsia ŭ 1954 hodzie ŭ Dnieprapiatroŭsku (Ukraina). U 1976 hodzie skončyŭ Kazanskaje vyšejšaje tankavaje kamandnaje vučylišča, u 1985 – kamandny fakultet Vajennaj akademii branietankavych vojskaŭ ŭ Maskvie.
Z 1976 hodu pa 1990 h. prajšoŭ usie słužbovyja pasady ad kamandzira ŭzvodu da kamandzira pałka. Z 1990 hodu pa 1999 hod Jury Žadobin słužyŭ na kamandnych pasadach u systemie hramadzianskaj abarony Biełarusi, unutranych vojskach MUS RB. Z 1999 hodu – namieśnik ministra ŭnutranych spravaŭ, kamandujučy unutranymi vojskami.
Ź vieraśnia 2003 hodu – načalnik słužby biaśpieki prezydenta.
Žadobin uznaharodžany ordenami "Za słužbu Radzimie" treciaj stupieni i "Čyrvonaj zorki", medalom "Za biezdakornuju słužbu" pieršaj stupieni.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary