Na ŭlotki dziaržava hrošaj nie daść, vyłučeńnia ŭ deputaty ad hramadskich arhanizacyj nie budzie
Siońnia Alaksandr Łukašenka pravioŭ naradu pa źmienach vybarčaha zakanadaŭstva.Dziŭna, čamu hetaja tema stała na paradku dnia mienavita ciapier.
Mahčyma, heta možna było b razhladać u novym pakiecie abiacańniaŭ, jakija ŭłady rychtujuć dla Zachadu. Adnak novaŭviadzieńni majuć chutčej abmiežavalny charaktar.
Źviartaje ŭvahu, što svaje mierkavańni adnosna vybarčaj sistemy vykazali nie tolki Łukašenka i staršynia CVK Lidzija Jarmošyna, ale i ministr zamiežnych spravaŭ Uładzimir Makiej, kiraŭnik Administracyi prezidenta Andrej Kabiakoŭ, śpikier pałaty pradstaŭnikoŭ Uładzimir Andrejčanka, dziaržsakratar Rady biaśpieki Leanid Malcaŭ i navat staršynia Minskaha abłvykankama Barys Batura.
«My nie stavim za metu niešta źmianić. My viadziem dyskusiju ab udaskanalvańni zakanadaŭstva. My pahladzim prapanovy, i kali nam heta padychodzić — my prymiem, nie — značyć, nie prymiem», — skazaŭ Łukašenka.
Pieršaje, što źviartaje ŭvahu — respublikanskija hramadskija arhanizacyi nie atrymajuć prava vyłučać kandydataŭ u deputaty. Ciapier takim pravam vałodajuć palityčnyja partyi. Kali b takaja prapanova prajšła, to Tavarystva biełaruskaj movy ci Biełaruskaja asacyjacyja žurnalistaŭ, a taksama Sajuz palakaŭ zmahli b vystaŭlać svaich kandydataŭ. Ale karystacca hetym zmahli i «Biełaja Ruś», i inšyja dziaržaŭnyja arhanizacyi.Jarmošyna skazała, što «apanientaŭ ułady takoje rašeńnie zadavalniaje», ale jaje słovy zaŭždy treba interpretavać advarotna.
Była padtrymanaja inicyjatyva, kab parłamienckija vybary prachodzili ŭ adzin tur. A deputat abiraŭsia prostaj bolšaściu hałasoŭ. U pryncypie, za časam Łukašenki druhi tur i nie praktykavaŭsia. Deputataŭ «abirali» ŭ adzin dzień.
Taksama Jarmošyna za zabaronu kandydatami ŭ deputaty vieści ahitacyju bajkotu vybaraŭ. Takuju taktyku ŭ 2012 hodzie ŭžyli AHP i BNF. Udała, vychodzić, raz ciapier heta zabaraniajuć.Padtrymanaja prapanova ab tym, kab vyrab ulotak i płakataŭ apłočvaŭsia za košt samoha kandydata, a nie ź biudžetu. Dumajecca, nie ŭsie kandydaty majuć srodkami na ŭlotki.
Było vyrašana viarnucca da pytańnia vybarčaha zakanadaŭstva ŭ mai.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary