Revalucyja ŭ daśledavańniach paciapleńnia klimatu
Brytanskija navukoŭcy ŭžo viedajuć, jak praduhledzieć upłyŭ akijanaŭ i dziejnaści čałavieka na paciapleńnie klimatu na praciahu bližejšych 10 hod.
Brytanskija navukoŭcy ŭžo viedajuć, jak praduhledzić upłyŭ akijanaŭ i dziejnaści čałavieka na paciapleńnie klimatu na praciahu bližejšych 10 hod.
Navukoŭcy infarmujuć, što, nazirajučy za karotkačasovymi anamalijami nadvorja — takimi, jak El Nińjo, možna pradbačyć pavodziny klimatu na nastupnyja 10 hod. Raniejšyja metady daśledavańniaŭ zasiarodžvalisia na paciapleńni klimatu ŭ maštabie stahodździa. Vysnovy tady rabilisia na padstavie nazirańniaŭ za pakazčykam hlabalnaha paciapleńnia, jaki abapiraŭsia na źmienach, što vyklikajucca čałaviekam.
Novaja madel, nazvanaja Dziesiacihadovaj systemaj prahnozu klimatu, taksama abapirajecca na hetych raniejšych madelach. Adnak, kab achapić dziesiać hod, jana dadatkova ŭličvaje źmieny ŭ akijanach i atmasfery.
Raniejšyja madeli daśledavańniaŭ dazvalali vyznačyć, što da kanca stahodździa siaredniaja temperatura pavietra na Ziamli ŭzraście na 1.8‑4 hradusy Celsija. DePreSys pakazvaje, što ŭ 2014 hodzie siaredniaja temperatura budzie na 0.3 hradusy Celsija vyšejšaja, čym u 2004 hodzie.
Navukoŭcy spadziajucca, što novaja madel pry padtrymcy daśledavańniaŭ vydzialeńnia ciapličnych hazaŭ, hazaŭ z vykapniovych palivaŭ i vyviaržeńnia vułkanaŭ daść vielmi padrabiaznuju karcinu źmienaŭ klimatu.
D‑r Dah Śmit z Klimatalahičnaha instytutu Hadley Centre miarkuje, što novyja viedy pra klimat spatrebiacca taksama biznesoŭcam i palitykam. «Ihnarujučy viedy na temu cykličnych vahańniaŭ akijanaŭ, a razam ź imi i klimatu, my ryzykujem narabić šmat pamyłak u prahnozie na 2015 hod. Ekanamičnyja i sacyjalnyja nastupstvy takich pamyłak mohuć być vielizarnymi» — padkreślivaje navukoviec.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1
Kamientary