Kazali, kab ja daŭ tłumačeńni svajmu znachodžańniu ŭ Letuvie. Pytajuć, jak daviedaŭsia pra EHU? jak pastupiŭ? chto dekan? chto kiruje prahramaj? dzie žyviem? z kim žyvu? ci čuŭ ja ad vykładčykaŭ EHU antybiełaruskija vykazvańni j zakliki da źviaržeńnia kanstytucyjnaha stroju ŭ Biełarusi? jak atrymlivaju stypiendyju? byli nie vielmi mnie zrazumiełyja pytańni... Ź biełaruskaj błahasfery.
Mianie zaprasili ŭ KDB na razmovu. Ja admoviŭsia - jany pryšli ŭtraich, nachamili mnie i maci j pozvu ŭsio ž tki ŭručyli. Razmovu z mnoju viadzie Nosaŭ Uładzimier Anatoljevič, major KDB, u jakoha zaŭsiody čamuści trasucca ruki. Padčas razmovy maje durackuju zvyčku priŝurivaťsia, z-za čaho składajecca ŭražańnie, što hetak pa-kałhasnamu ściabiecca.
Razmovy adbyvajucca na Kamsamolskaj 28, Biuro Prapuskoŭ KDB.
Jak vyjaviłasia major Nosaŭ zvyš nie kampietentny kdbešnik. Nie zachacieŭ davać svoj słužbovy numar telefona padčas uručeńnia, chacia jon byŭ nadrukavany ŭ poźvie; chadziŭ niekudy kansultavaŭsia, ci maju ja prava zabrać svaju pozvu pa kancy razmovy, pryčym nie prosta zabrać, a kab tam adznačyli kolki času ja tam prabaviŭ. Na moj arhument, što zabrać pozvu ja viadoma ž mahu, jana ž maja, Nosaŭ adkazaŭ, što jana nie maja i syšoŭ chvilin na 15 kansultavacca.
Na pytańnie, čamu mianie vyklikali, jon adkazaŭ, kab ja daŭ tłumačeńni svajmu znachodžańniu ŭ Letuvie.
Dalej: jak daviedaŭsia pra EHU?iak pastupiŭ? chto dekan? chto kiruje prahrammaj?dzie žyviem? z kim žyvu? ci čuŭ ja ad vykładčykaŭ EHU antybiełaruskija vykazvańni j zakliki da źviaržeńnia kanstytucyjnaha stroju ŭ Biełarusi? jakatrymlivaju stypiendyju? byli nie vielmi mnie zrazumiełyja pytańni:
ci prasili Vas pravozić nośbity infarmacyi (dyskiety, dyski) praź miažu? Ci byli ŭčynieny suprać mianie kamprdziejańni? Ci razmaŭlali z mnoju hramadzianie Letuvy pra našaje žyćcio ŭ Letuvie? kaho z studentaŭ zatrymlivała palicyja?
Što takoje kamprdziejańni (kampramietujučyja dziejańni) ja nie viedaju. Ci ličyć razmovu z pradavačkaj u kramie pra vučobu - adkazam na pieradpapiaredniaje pytańnie? viadoma ž ja vaziŭ dyski praź miažu.
Vypisaŭ Nosaŭ Uładzimier Anatoljevič mnie druhuju pozvu na paniadziełak. Skazaŭ kab padumaŭ dva dni i ŭsio ž tki pahadziŭsia na "kanstruktyŭny dyjaloh", ad jakoha ja admaŭlajusia.
Pozva - heta zvyčajny tekst nadrukavany na arkušy papiery A4, unizie jakoha ty raśpisvajeśsia. Jana rviecca na dźvie častki i sama pozva maje zastacca ŭ ciabie(vierchniaja častka), a "koriešok poviestki" zastacca ŭ kdbešnika(nižniaja častka), jak paźvierdžańnie taho, što ty jaje atrymaŭ. Ŭ našaj sytuacyi z Nosavym stałasia naadvarot. Sabie jon pakinuŭ na mianie vypisanuju pozvu(v.č), a mnie addaŭ jakraz hety koriešok(n.č.).
Ihoho: niaŭžo ja pajdu tudy ŭ paniadziełak? nie...
Što rabić, kali vas vyklikajuć u KDB. Parady PC «Viasna».
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary