U krasaviku 2011 h. u maleńkaha amierykanca Džeka Chofmana vyjavili rak mozhu. Tady jamu było ŭsiaho piać hadoŭ i ŭsio žyćcio siamji pierakuliłasia ŭ adno imhnieńnie.
Pieršaja apieracyja była niaŭdałaj i daktary zmahli vydalić tolki častku puchliny. Pierad druhoj apieracyjaj baćki vyrašyli zrabić dla Džeka jaki-niebudź asablivy padarunak. Chłopčyk -- vialiki prychilnik amierykanskaha futbolnaha kłuba «Niebraska» i baćki damovilisia z zorkaj kłuba Reksam Barkchiedam, što toj sustreniecca z chłopčykam.
Reks zaprasiŭ Džeka da siabie, jany paabiedali, futbalist pakazaŭ chłopčyku stadyjon i jany razam pabiehali pa poli. Na raźvitańnie Džek padaryŭ Reksu čyrvony branzalet z nadpisam «Team Jack Pray».Z tych časoŭ futbalist jaho nie zdymaŭ i ličyŭ jaho svaim talismanam, jaki dapamahaje kamandzie pieramahać.
Chłopčyk paśpiachova pieranios druhuju apieracyju.
U minułuju subotu trenier «Niebraski» spyniŭ hulniu ŭ čaćviortym pieryjadzie i ŭziaŭ tajm-aŭt. Na pole vyvieli 7-hadovaha Džeka Chofmana ŭ formie kłuba.Chłopčyk atrymaŭ miač i pad ahłušalnyja apładysmienty 60 tys. hledačoŭ na trybunach zrabiŭ 69-jardavy tačdaŭn - zabiŭ simvaličny hoł u honar svajho vyzdaraŭleńnia.
Videarolik z hetym fantastyčnym momantam zaraz pahladzieli bolš za 3 młn raz.
Były ministr kultury Rusłan Čarniecki znajšoŭ sabie padpracoŭku9
Kamientary