Žarlivyja karovy z padručnika pa matematycy
Prablemy sučasnaj adukacyi chvalujuć mnohich. Heta i nizki ŭzrovień viedaŭ abituryjentaŭ, jaki vyjaŭlajecca pry zdačy CT, i mizernyja zarobki nastaŭnikaŭ, i pracoŭnyja/niepracoŭnyja suboty, i praciahłaść kanikuł dy mnohaje inšaje.
Zusim niadaŭna i ja sutyknułasia sa školnaj prablemaj, dakładniej — prablemaj sa školnym padručnikam. Adnak usio pa paradku. Moj syn vučycca ŭ 4 kłasie adnoj ź minskich škoł. Z nastaŭnicaj nam vielmi pašancavała. Jana zaŭsiody starajecca zacikavić vučniaŭ, znajści cikavyja zadańni, usio dastupna rastłumačyć, da kožnaha maje indyvidualny padychod. Pra takich kažuć:«Nastaŭnik ad Boha».
A voś jakaść padručnika pa matematycy vymusiła mianie da napisańnia dadzienaj natatki. Na minułym tydni padbiahaje da mianie syn i kaža: «Mama, ja pravilna rašyŭ zadaču, ale atrymaŭsia niapravilny adkaz». «Jak tak?»- ździviłasia ja i razharnuła padručnik.
Umova zadačy była nastupnaj: «Na 100 karoŭ narychtavali na zimu 1400 t kukuruznaha siłasu i 800 t burakoŭ. Kolki ton usich hetych karmoŭ narychtavali na adnu karovu?» («Matematyka», padručnik dla 4 kłasa ahulnaadukacyjnych ustanoŭ z ruskaj movaj navučańnia; aŭtary
Sapraŭdy, niachaj mnie pakažuć karovu, jakaja stolki źjeść za sutki.
Pryjšłosia mnie tłumačyć, što heta prosta zadača, što nie treba jaje suadnosić z realnaściu. Syna maje tłumačeńni nie zadavolili. Jon jašče znachodzicca ŭ tym uzroście, kali vierać kožnamu słovu nastaŭnika, daviarajuć svaje sakrety mamie i ličać, što ŭ padručniku pišuć tolki praŭdu. Na žal, voś tak i prychodziać rasčaravańni. A čamu b aŭtaram krychu nie zadumacca, składajučy tuju ci inšuju zadaču (heta nie adzinkavy prykład)? Jak praviła, dzieci ź nieciarpieńniem čakajuć toj pary, kali pojduć u pieršy kłas. Ale z časam žadańnie vučycca ŭ mnohich źnikaje. Mahčyma i tamu, što pry pravilnym rašeńni zadačy atrymlivajecca niapravilny adkaz…
Kamientary