Жарлівыя каровы з падручніка па матэматыцы
Праблемы сучаснай адукацыі хвалююць многіх. Гэта і нізкі ўзровень ведаў абітурыентаў, які выяўляецца пры здачы ЦТ, і мізэрныя заробкі настаўнікаў, і працоўныя/непрацоўныя суботы, і працягласць канікул ды многае іншае.
Зусім нядаўна і я сутыкнулася са школьнай праблемай, дакладней — праблемай са школьным падручнікам. Аднак усё па парадку. Мой сын вучыцца ў 4 класе адной з мінскіх школ. З настаўніцай нам вельмі пашанцавала. Яна заўсёды стараецца зацікавіць вучняў, знайсці цікавыя заданні, усё даступна растлумачыць, да кожнага мае індывідуальны падыход. Пра такіх кажуць:«Настаўнік ад Бога».
А вось якасць падручніка па матэматыцы вымусіла мяне да напісання дадзенай нататкі. На мінулым тыдні падбягае да мяне сын і кажа: «Мама, я правільна рашыў задачу, але атрымаўся няправільны адказ». «Як так?»- здзівілася я і разгарнула падручнік.
Умова задачы была наступнай: «На 100 кароў нарыхтавалі на зіму 1400 т кукурузнага сіласу і 800 т буракоў. Колькі тон усіх гэтых кармоў нарыхтавалі на адну карову?» («Матэматыка», падручнік для 4 класа агульнаадукацыйных устаноў з рускай мовай навучання; аўтары
Сапраўды, няхай мне пакажуць карову, якая столькі з’есць за суткі.
Прыйшлося мне тлумачыць, што гэта проста задача, што не трэба яе суадносіць з рэальнасцю. Сына мае тлумачэнні не задаволілі. Ён яшчэ знаходзіцца ў тым узросце, калі вераць кожнаму слову настаўніка, давяраюць свае сакрэты маме і лічаць, што ў падручніку пішуць толькі праўду. На жаль, вось так і прыходзяць расчараванні. А чаму б аўтарам крыху не задумацца, складаючы тую ці іншую задачу (гэта не адзінкавы прыклад)? Як правіла, дзеці з нецярпеннем чакаюць той пары, калі пойдуць у першы клас. Але з часам жаданне вучыцца ў многіх знікае. Магчыма і таму, што пры правільным рашэнні задачы атрымліваецца няправільны адказ…
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю3
Каментары