Natalla Piatkievič abrana staršynioj asacyjacyi «Biełaruskaja federacyja harnałyžnaha sportu i snoŭbordu».
Aproč abrańnia novaha staršyni, na ŭstanoŭčaj kanferencyi adbyłosia pieratvareńnie harnałyžnaj federacyi ŭ asacyjacyju. Zasnavalnikami asacyjacyi vystupili 10 arhanizacyj.
U zvarocie da delehataŭ kanferencyi N. Piatkievič vykazała padziaku za vyłučeńnie jaje kandydatury na kiraŭničy post. «Na moj pohlad, hornyja łyžy i snoŭbord — adzin z samych vidoviščnych i cikavych vidaŭ sportu, ‑‑ skazała jana.‑ Jany ŭklučajuć sport najvyšejšych dasiahnieńniaŭ, masavy sport i adpačynak, turyzm i prybytkovy biznes. Na hetych napramkach i pavinna zasnoŭvacca dziejnaść našaj asacyjacyi».
U Biełarusi, jakaja źjaŭlajecca krainaj z raŭninnym łanšaftam, majucca, tym nia mienš vydatnyja ŭmovy dla raźvićcia harnałyžnaha sportu, adznačyła Natalla Piatkievič. «U nas jość niamała harnałyžnych baz dobraha ŭzroŭniu, uklučajučy «Čyrvonuju palanu» ŭ Sočy. Nie vykarystoŭvać ich patencyjał złačynna», skazała jana.
Dahetul abaviazki staršyni federacyi harnałyžnaha sportu i snoŭbordu vykonvaŭ Uładzimier Trafimienka. A na zimovaj Alimpijadzie-2006 biełarusy nia brali ŭdziełu ni ŭ harnałyžnych spabornictvach ni ŭ snoŭbordzie.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary