Na namieśnika staršyni Baranavickaha harvykankama zaviali kryminalnuju spravu
Čynoŭnik padazrajecca ŭ pieravyšeńni ŭłady.
Jak paviedamili Intex-press u Baranavickim mižrajonnym adździele 8-ha ŭpraŭleńnia HUBAZiK MUS RB, na minułym tydni ŭ dačynieńni da namieśnika staršyni harvykankama była ŭzbudžana kryminalnaja sprava pa art. 426 KK RB (pieravyšeńnie ŭłady abo słužbovych paŭnamoctvaŭ), jon znachodzicca pad padpiskaj ab niavyjeździe.
U čym kankretna zaklučałasia pieravyšeńnie ŭłady dziaržsłužboŭcam, u adździele nie rastłumačyli, spasłaŭšysia na toje, što «viadziecca śledstva» i sprava pieradadziena ŭ Brest.
Adnak va ŭpraŭleńni Śledčaha kamiteta RB pa Bresckaj vobłaści infarmacyju ab uzbudžeńni spravy ŭ dačynieńni da namieśnika staršyni Baranavickaha harvykankama nie paćvierdzili.
«U mianie takoj infarmacyi niama», - karotka adkazaŭ na pytańnie karespandenta pres-sakratar upraŭleńnia Śledčaha kamiteta pa Bresckaj vobłaści Rusłan Makaruk.
Na pracoŭnym miescy čynoŭnika niama. Sakratar ŭ pryjomnaj paviedamiła, što jon na balničnym i źjavicca, «kali lekar balničny zakryje».
Kiraŭnik spravaŭ harvykankama Mikałaj Chitryk, pačuŭšy pra kryminalnuju spravu ŭ dačynieńni da namieśnika staršyni, zaśmiajaŭsia i paraiŭ nie vieryć čutkam.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia26
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski99
Kamientary