Viarchoŭny sud ZŠA pryraŭnaŭ test DNK da inšych rucinnych praceduraŭ pry aryšcie, jak fatahrafavańnie i ŭziaćcie adbitkaŭ palcaŭ.
Apanienty kažuć, što test parušaje prava čałavieka na pryvatnaść. Bo DNK raskryvaje niamała infarmacyi — etničnuju prynaležnaść, hienietyčnyja chvaroby, siamiejnyja suviazi i h.d. A taksama nieviadoma, što dalej palicyja budzie rabić z hetym testam, jak jany buduć zachoŭvacca i jakaja harantyja, što hetaj infarmacyjaj nie buduć złoŭžyvać.
Prychilniki ŭviadzieńnia abaviazkovaha testu DNK pry aryšcie śćviardžali, što heta dapamoža apieratyŭna pravieryć dačynieńnie padazravanaha da inšych nieraskrytych złačynstvaŭ.
«Test DNK dazvolić nam raskryć zabojstva i inšyja asabliva ciažkija złačynstvy, u jakich napadnik pakinuŭ DNK na miescy złačynstva. Navat kali heta adbyłosia niekalki dziasiatkaŭ hadoŭ tamu», — kaža hienieralny prakuror štata Meryłend Dah Hienśler.
Rašeńnie Viarchoŭnaha suda ŭstupaje ŭ siłu va ŭsich 50 štatach i na fiederalnym uzroŭni. Na siońnia ŭ bazie dadzienych DNK, sabranych palicyjantami, utrymlivajecca bolš za 10 miljonaŭ uzoraŭ hienietyčnaj infarmacyi złačyncaŭ. Hetaja ličba, vidavočna, chutka vyraście.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary