Aktyvist hramadzianskaj kampanii «Džyns — za svabodu!» Jaŭhien Silvanovič byŭ 29 žniŭnia pakarany Ždanovickim sudom da 5 sutak aryštu za toje, što nibyta niecenzurna łajaŭsia ŭ dvary ŭłasnaha domu.
Aktyvist hramadzianskaj kampanii «Džyns — za svabodu!» z pasiołka Aziarec (Mienski rajon) Jaŭhien Silvanovič byŭ siońnia prysudžany Ždanovickim sudom da 5 sutak aryštu. Jak paviedamiła pres‑centru Chartyi'97 pravaabaronca Iryna Toŭścik, aktyvista zatrymali ŭčora ŭviečary supracoŭniki Ždanovickaha RAUS.
Milicyjanty pryjšli ŭ dom, dzie Jaŭhien Silvanovič pražyvaje razam z baćkami. Pierapisaŭšy pašpartnyja dadzienyja ŭsich žycharoŭ, jany zajavili, što majuć namier pravieści pieratrus. Adnak z pryčyny taho, što supracoŭniki milicyi nie mieli pry sabie ordera, baćki Silvanoviča nie dazvolili im hetaha zrabić.
Milicyjanty syšli. Adnak, kali moładzievy aktyvist vyjšaŭ z domu ŭ dvor, jaho zatrymali tyja samyja supracoŭniki milicyi, jakija, jak vyśvietliłasia, zasieli pobač u «zasadzie».
U Ždanovickim RUUS na aktyvista skłali pratakoł pa zvykłym dla apazicyi artykułu — «drobnaje chulihanstva». Milicyjanty śćviardžali, što Jaŭhien Silvanovič nibyta niecenzurna łajaŭsia ŭ dvary ŭłasnaha domu.
Sam aktyvist źviazvaje svoj aryšt z pryjezdam 1 vieraśnia ŭ pasiołak Aziarec Alaksandra Łukašenki. U Dzień viedaŭ tut budzie adčynienaja novaja škoła, i miascovyja ŭłady, mabyć, vyrašyli padstrachavacca i izalavać aktyŭnuju moładź.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary