U Kitai23-hadovaja dziaŭčyna zahinuła ad udaru tokam padčas razmovy pa iPhone, paviedamlaje kitajskaje ahienctva Sińchua sa spasyłkaj na svajakoŭ zahinułaj.
Pra hety incydent raspaviała starejšaja siastra dziaŭčyny ŭ kitajskim mikrabłohu Weibo (anałah Twitter). Ma Aj Łuń atrymała śmiarotny ŭdar tokam, kali adkazvała na zvanok na svaim iPhone.
Pryłada ŭ hety momant stajała na zaradcy.
«Ja spadziajusia, što kampanija Apple rastłumačyć, jak takoje mahło zdarycca. Spadziajusia, što vy nie budziecie karystacca vašymi telefonami, kali jany zaradžajucca», — napisała siastra dziaŭčyny. Paviedamleńnie było pracytavana ŭ internecie mnostva razoŭ.
PalicyjaSińczian-Ujhurskaha aŭtanomnaha rajona, dzie heta zdaryłasia, paćvierdziła, što Ma Aj Łuń zahinuła ad udaru tokam, ale nie paviedamiła, što pryčynaj trahiedyi staŭ mienavita iPhone.
Siastra zahinułaj maje namier damahacca spraviadlivaści ad Apple. U niadzielu kampanija zajaviła, što jana škaduje pra vypadak, i pryniesła spačuvańni rodnym dziaŭčyny. Kampanija maje namier pravieści pilnaje rasśledavańnie i budzie ciesna supracoŭničać sa śledstvam, havorycca ŭ paviedamleńni.
Kamientary