U Mahilovie čaćviorty hod budzie atrymlivać adukacyju pa-biełarusku adzinaja vučanica
Baćki Jalinki Sałaŭjovaj spadziajucca, što biełaruskamoŭnyja adnakłaśniki mohuć źjavicca ŭ jaje dački naleta — u piatym kłasie.
Adzinaja ŭ Mahilovie biełaruskamoŭnaja vučanica Jalinka Sałaŭjova sioleta, jak i ŭ papiarednija try hady, u kłasie budzie adna. Baćki namahajucca znajści dačce adnakłaśnikaŭ, adnak achvotnych vučyccapa-biełarusku ŭ400-tysiačnym horadzie pakul nie znachodzicca.
Sioleta Jalinka Sałaŭjova pojdzie ŭ čaćviorty kłas. Pieršaha vieraśnia joj uručać dypłomy za pieramohi na alimpijadach pa matematycy, ruskaj i biełaruskaj movach, a taksama pa pradmiecie «Čałaviek i śviet». Baćki ž mantujuć videarolik sa zvarotam da mahiloŭcaŭ, jakija, mahčyma, chočuć addać dziaciej u kłas ź biełaruskaj movaj navučańnia, ale nijak nie navažacca. Videarolik źbirajucca rastyražavać u sacyjalnych sietkach internetu.
«U čaćviortym kłasie my nie majem nijakich iluzijaŭ, što pryjduć ludzi, ale ž u piaty, kali pojdzie havorka, što heta siaredniaja adukacyja i patrebnyja buduć roznyja nastaŭniki, to tady, moža, para čałaviek zachočuć, kab ich dzietki vyvučali toj ci inšy pradmiet bolš pahłyblena.Budzie bolš mahčymaściaŭ, bo mienš dziaciej. My vyrašyli nie iści ŭ haradski adździeł adukacyi, bo heta jak iłbom ab ścianu. Ludzi sami pavinny zrabić svoj vybar. My ž chočam pakazać pieravahi», — adznačyła maci vučanicy Nadzieja Sałaŭjova.
Vyśvietlić siońnia ŭ adździełach adukacyi dźviuch rajonnych administracyj Mahilova, ci jość zajavy ad baćkoŭ na navučańnie ich dziaciej na biełaruskaj movie, nie ŭdałosia. U pryjomnaj adnaho ź ich paviedamili, što śpiecyjalistka, jakaja zajmajecca takim pytańniem, u adpačynku, a sakratarka druhoha adździeła skazała, što takich zajavaŭ, pavodle jaje źviestak, nie było.
Tym časam Jalinka Sałaŭjova čakaje sustrečy sa svajoj biełaruskamoŭnaj škołaj i kaža, što kab dzieci pryjšli ŭ biełaruskamoŭny kłas, «treba ich zaprasić».
Były ministr kultury Rusłan Čarniecki znajšoŭ sabie padpracoŭku9
Kamientary