«Ekanamičnyja sprečki i roznyja supiarečnaści, jakija časta byvajuć u biźniesie, nie pavinny vyrašacca padobnymi sposabami», — miarkuje jon.
«Nieadkładnaha vyzvaleńnia Uładzisłava Baŭmhiertniera i spynieńnia pieraśledu jaho kaleh» zapatrabavaŭ ad biełaruskich uład staršynia savieta dyrektaraŭ «Urałkalija», były kiraŭnik Administracyi prezidenta Rasii Alaksandr Vałošyn.
«Ekanamičnyja sprečki i roznyja supiarečnaści, jakija časta byvajuć u biźniesie, nie pavinny vyrašacca padobnymi sposabami, —havorycca ŭ zajavie Vałošyna. — Ja dobra viedaju Uładzisłava Baŭmhiertniera jak sumlennaha i vielmi prystojnaha čałavieka, zakonapasłuchmianaha hramadzianina, prafiesijanała suśvietnaha ŭzroŭniu».
«Ujaŭlajucca bolš čym dziŭnymi zajavy pradstaŭnikoŭ śledčych orhanaŭ Biełarusi ab usiakaha rodu parušeńniach zakanadaŭstva z boku mieniedžaraŭ Biełaruskaj kalijnaj kampanii (BKK). Hetyja abvinavačańni supiarečać razumnamu sensu i nie vytrymlivajuć nijakaj krytyki», — zajaviŭ Vałošyn.
Jon padkreśliŭ, što
nahladalny saviet Biełaruskaj kalijnaj kampanii, jaki ŭznačalvaje Baŭmhiertnier, ź`iaŭlajecca nahladnym orhanam, jakija źbirajecca tolki niekalki razoŭ na hod. Staršynia nahladalnaha savieta «nie maje absalutna nijakich słužbovych paŭnamoctvaŭ, jakimi jon moh by złoŭžyć». Realnym kiraŭnikom kampanii ź`iaŭlajecca hienieralny dyrektar, «jaki zaŭsiody naminavaŭsia biełaruskim bokam».
«Niekalki tydniaŭ tamu hienieralny dyrektar BKK (Valeryj Ivanoŭ) byŭ pryznačany na adnu z vyšejšych pasad u Biełarusi, a mienavita na pasadu namieśnika kiraŭnika administracyi prezidenta krainy.
Heta, dumaju, aznačaje, što vyniki dziejnaści hetaj kampanii i stan spraŭ u joj vielmi vysoka aceńvajucca vyšejšym kiraŭnictvam Biełarusi.U hetaj suviazi abvinavačańni ŭ słužbovych złačynstvach na adras U.Baŭmhiertniera vyhladajuć prosta niedarečna», — zajaviŭ Vałošyn.
Pra zatrymańnie Uładzisłava Baŭmhiertniera paviedamiŭ 26 žniŭnia Śledčy kamitet Biełarusi. U dačynieńni da hiendyrektara «Urałkalija», jaki ź`iaŭlajecca staršynioj nahladalnaha savieta ZAT «Biełaruskaja kalijnaja kampanija», a taksama člena nahladalnaha savieta ZAT «BKK» Aleha Piatrova, pieršaha namieśnika hiendyrektara Kanstancina Saładoŭnikava, namieśnika hiendyrektara pa finansach Ihara Jaŭstratava, načalnika frachtovaha adździeła Dźmitryja Samojłava i inšych asob raspačaty spravy na padstavie č. 3 art. 424 Kryminalnaha kodeksa (złoŭžyvańnie ŭładaj i słužbovymi paŭnamoctvami). Padstavaj dla hetaha stali materyjały pra ŭčynieńnie imi jaŭnych złoŭžyvańniaŭ słužbovymi paŭnamoctvami ŭ karyślivych metach, jakija paciahnuli naniasieńnie značnaha ŭronu dziaržaŭnym i hramadskim intaresam krainy, a taksama naniasieńnie ŭronu ŭ asabliva bujnym pamiery AAT «Biełaruśkalij» i ZAT «BKK».
Kamientary